حكــاية قصيــرة ❥

[‏آلنـور]

اوقات يكون عندك شعور ودك تتكلم عنه..
و تحتاج ناس ما تطبطب عليك، كثر ما تحتاجهم يبثون فيك احساس القوة..
و بدون تفكير تعرف مين ذول الناس.. تعرف انك اذا كلمتهم و قلت لهم هذا الشعور..
بينتهي من داخلك و كأنه لم يكن..
ناس تعرف ترد عليك و تعطيك رايها بصراحه و بقوة تحسسك انك انت قوي و هم استمدوا قوتهم منك..
و بالاساس انه هذول الناس لهم تأثير قوي عليك، و لهم الفضل في تغيير شخصيتي للافضل، بعد ما كنت في لحظة اشعر بالتخاذل..
ناس كانت تقولي اني قوية، و انا كنت في فترة مكسورة من الداخل و محد حاس..
كانت تعزز شعور القوة بداخلي،، الين ما صرت افضل،،

هذي الانسانه ما انسى فضلها علي بعد الله
و فوق هذا الدعم اللي قدمته لي.. لازالت توصلي شعور اني انا القوية و انا اللي اثرت فيها..

صاحبتي و صديقتي و اختي و مديرتي في يوم من الايام
اليوم وقت ما حسيت اني بتراجع لو نص خطوة لوراء
كلمتها و عززت فيني شعور القوة و المسؤوليه..


احلى شي فيها و كثير ما يتقبلون طبعها عليها ردود جامدة ما يتقبلها الا انسان يبي فعلاً يتغير..

انا ممتنه لله، ثم لها و لليوم اللي عرفتها فيه من 13 سنه..

مولانا ,alwafa ,خفايآ روح~•• و 7 آخرون معجبون بهذا

This Aziz ,الحر الأشقر ,سمو المجد ,رايــق ,ابن الهيثم ,رآنيا ,مستحيل