آخر حزن

[‏*** سُهيل ***]

آخر حزن

تعلمت الوفا مِنِّك وفتحتِ للرحيل أبواب
وغبتِ في أمان الله يـَ آخر حزن بكَّاني


عظيمة لحظة الفرقى تعلِّم قيمة الأحباب
تشيِّد للفرح ميتم وتشعل نار أحزاني


قوي الصبر لكني نسيت الصبر مَعْ من غاب
وأصبح قلبي المكسور يعيش سنين حرماني


يعاتبني حبيبٍ ما درى قد أيش أنا منصاب
يواسيني وأنا ماني معه في عالمٍ ثاني


لو إن الصبر له وصفة .. شربت من الصبر أكواب
ولكن كيف يقوى الصبر همٍ زلزل أركاني


أحاول إني أتماسك ولكن عجزت الأسباب
وحبه يملك إحساسي وينبض فيه شرياني


وكيف أنساه يا عالم وحبه وسط روحي ذاب
ويجري داخل أنفاسي ويملك كل وجداني


أحبه كيف ما احبه وحبه يخلب الألباب
أنا جنيت في حضوره وبُعده زوَّد جناني


تُرى أَتْأَمَّل حْضورهْ .. وَاْنا أدري بالأمل كذاب
وإنه مستحيل يرد لو لحظة على شاني


أنا اللي حز في نفسي عشم في داخلي ماخاب
وطيبة قلب لا زالت على التغيير تعصاني


هني اللي عرف يرحل هني اللي فؤاده طاب
هني اللي نسي الدنيا وعاش العمر وحداني



سُهيل

احساس غريب ,White ,سما و 2 آخرون معجبون بهذا

راما ,رآنيا

الموضوع الأصلي: آخر حزن || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

Nov p.k