يكشفون الفساد وهُم أول مَن ينشرونه

يكشفون الفساد وهُم أول مَن ينشرونه

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا
لَهُمْ عَذَابٌ أَلِيمٌ فِي الدُّنْيَا وَالْآخِرَةِ...
رأيت الكثيرون ينشرون فيديوهات ويكتبون عن تفاهات الشباب
والبنات، ويُظهرون ما لا يجب أن يظهر، ويظنون أنهم بهذا من جنود الله...
والكارثة الكبرى أن الشيطان أقنعهم أنهم ناصحين ومُصلحين
ولكنهم لو هانتكلم بالحق، يُعتبرون مروجين ممتازين
تحت غطاء الدين وهم لا يشعرون...
الله يقول :
إن الذين يحبون أن تشيع الفاحشة في الذين آمنوا...
يعني مش بس تعمل الفاحشة، ولكنك أيضاً تحبها
أن تنتشر وتتشهر وتبقى ترند...
وحضرتك بتساعدها تعيش أكتر، وبالنهاية تسمي هذا نُصح!!!
ده اسمه تسويق شيطانى مغلف بالدين...
يطلع يقول للناس:
أنا بلغت عن الفيديوهات دي بس هعرضها لكم علشان تاخدوا بالكم..
يعني هو شايف إن الفايروس لازم نشوفه تحت الميكروسكوب
قبل ما ناخد الدوا...
والأغرب من هذا، إن الناس تُصفق له...
يكشفون الفساد وهُم أول مَن ينشرونه..
يقول لك ،شايف المصيبة؟ شايف القرف؟
طب وإنت ليه ضابط الإضاءة، وحاطط عنوان ملفت؟
بلاش نضحك على أنفسنا، فالدين مش لعبة، والنصيحة مش سبوبة
والنظافة مش بعرض الزبالة...
ولو ناوي فعلاً تكون من جنود الله، فجنود الله بيستروا...
خلي النصيحة نظيفة… مش مغلفة بقذارة....
تذكر دائماً قول الله :
وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ ۚ
وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ..
وتذكر ان اللي بيكشف الفساد بالشكل ده، بيساهم في تطبيع
القبح، وبيفقد الناس مناعتهم...
وبدل ما الغلط يبقى مستنكر، بيبقى مألوف
وبياخد لايكات كمان...
وبالنهاية أحب أن أقولك:
اللي بتفضحه النهارده ممكن يتوب بكرة
بس فضيحتك ليه هتفضل
شاهدة عليك، مش عليه...
لكن الأخطر أنك بتعلّقه في سجن الذكرى حتى لو تاب...​

رآنيا ,احساس غريب ,نايف و 2 آخرون معجبون بهذا

راما ,آكل ُ المرار

الموضوع الأصلي: يكشفون الفساد وهُم أول مَن ينشرونه || الكاتب: ابو روضة || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

d;at,k hgtsh] ,iEl H,g lQk dkav,ki dkav,ki d;at,k