النجم

[علي]

النجم

البارحه يوم غاب النجم والنور غاب
عناني القلب والأقدام عنيتها

ومشيت رجلي غلا خطوة وخطوة عتاب
يوم المشاريه سرتني و سريتها

والعين تنظر خطأ نظرة و نظرة صواب
بين الخطأ والصواب العين لديتها

وخليت بعض المشاعر في طريقي زهاب
حتى ليا بآنت الأحزان هديتها

يمكن يطول الطريق ولا يهل السحاب
ويمكن تلوح البروق اللي تحريتها

والليل مظلم ولونه مثل ريش الغراب
شبيت ناري ولا فادت وطفيتها

وجريت صوتي من الوحدة بروس الهضاب
اللي بعد حضر الهاجوس عديتها

ياصاحبي كم وكم غنيت والقاف شاب
كم قصيدة على لا ماك غنيتها

ياصاحبي عينك المفتاح والقلب باب
والعين من صدها تقسى على بيتها

كثر الجفاء لا تزيده يا عساه الذهاب
كم كلمة ودها تطلع ورديتها

ما يستهين الحضور الا كثير الغياب
ولا تستريح الجروح الا ليا جيتها

الود مثل الحياء والصد مثل السراب
كلمة وفاء قلتها لك وأنت موحيتها

ياما وياما نهيت القلب والقلب تاب
عن كل حاجه بـ/ هـ/ الدنيا تمنيتها

ياصاحبي ضاق حرف السطر وسط الكتاب
وماتت حروفي على سطري وعزيتها

وانا سؤالي إلى هالحين ماله جواب
إجابة الوقت خلتني وخليتها

الى متى والخطأ يشره عليه الصواب
والى متى والمواقف ما تنسيتها

.

لـ محسن الحميدي الهفتاء

سما ,أمَوآج آلشَرقَيهہْ♥ معجبون بهذا

الموضوع الأصلي: النجم || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

hgk[l hgkdہ