حبيت اشارك معكم من مبدأ المثل اللي يقول
ربع تعاونوا تضاربوا
في فعالية مستلزمات التصميم بتصميمي ( روح التحدي )
المهم وش كنت بقول لااله الا الله ...
ايه كنت اقول بسدح لكم مشاركتي
بس كني سمعت احد يقول من ساعدك فيه
انسوا انسوا شكلي اتوهم محد قال
ومن اليوم ورايح اي احد يبي تصميم لمشروعه او شي لايتعداني
خلوكم من مشاري ومجموعة اخويانا المصممين اللي هنا
اسعارهم غاليه ونفسيات ويطولون مره في تسليم المشاريع
ويطفشون الواحد لمين يستلم شغله
انصحكم تتواصون مع شركتي (طاخ طيخ ) للدعايه والاعلان
عن طريق السكرتاريه .. وازهلوا الباقي
يادوب خمس دقايق وان كثرت عشر وانتوا خالصين
مجرد مانستلم طلبك وتقلنا وش الصوصات اللي تفضل نضيفها
(كاتشاب - مايونيز - شطه - خردل - رانش )
لالا نسيت صح ماله دخل الكاتشاب وملحقاته
اقصد الأفكار اللي تبون نظهرها في التصميم
ومايمديك تروح تتكي في البوفيه اللي جنبنا وتحط بكرشتك
ساندويشه وكوب شاي وترجع الا تصميمك خالص
تحسبون على كذا خلصت المغريات .. لااااا طبعا ..
باقي كمان اسعارنا المنافسه مستحيل تلاقون زيها
واذا لقيتوا اقل اعتبروا شغلكم مجانا وعلى حسابنا
على بالكم خلصنا كذا صح ؟؟
اكيد لسى ماخلصنا .. فوق كذا نعطي كل زبون
سلة نفايات مع التصميم اللي نسويه له
عشان اذا ماعجبه شغلنا يفش خِلقُه وزعله واعصابه
ويشقق العمل ويرميه في السله ويتفل عليه
كل شي عندنا يهووون الا زعل الزبون
بعد مو حلوه يشقق التصميم ويرميه بوجيهنا
العرض الشجري
