غافين ..

غافين ..

يا بنت أنا في الحب والله مُصابك

ما أطيق لو لحظات عنِّي تغيبين

عشقت أنا ريح السَّمُر في ثيابك

مثل الخريجي يوم غنى مِنْ سنين

أحبك وراضي في حبي عذابك

بس المهم إنك عن الصَّب ترضين

يا اللي حياتي سُطِرت في كتابك

مثل القدر مكتوب على الجبينين

أدري أنا والله حبي سرى بك

قالت عيونك لَوْ حَاْولتِ تخبين

ما دام ما جاني من الحب صابك

وش عاد نبقى له وِحِنَّا بعيدين

تعالي أطفي شوق واقف ببابك

كل امنياته يلتقي فيك ذا الحين

قالت هلا ..

قلت أنتِ اللي هلا بِكْ

يا مرحبا باللي ملا القلب والعين

لو تعلمين بحالتي في غيابك

ما اظن عن عيني ..

دقيقة تغيبين !!

قالت تعال أعيش أنا في رحابك

وننسى ألام البُعد والشوق والبين


لحظة فرح فيها يدينا تشابك

كأننا في ليل الاْحلام غافين




سُهيل

رآنيا ,Maristella ,متأمل و 7 آخرون معجبون بهذا

شْعُور ..! ,أمَوآج آلشَرقَيهہْ♥ ,White ,ابن الهيثم ,نايف ,راما ,ذات نقاء

الموضوع الأصلي: غافين .. || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

yhtdk >>