بيوت الشعر

بيوت الشعر

والله لكتب لك بيوت الشعر من دم الفواد
واجعل نقطها من دموع العين فوق حروفها

هذا دليل الصدق في حبك وبرهان الوكاد
رغم انعكاسات الحياة القاسيه وظروفها

هزيتني كما يهز النفط وضع الاقتصاد
بالدوله اللي مايعادل دخلها مصروفها

والفرق بافكار البشر يفوق كل الاعتقاد
بس الكلافه ماتصير الا على مكلوفها

احدٍ يخطط للسياسه بالنضال وبالجهاد
واحدٍ يخطط بس كيف اتقابله ويشوفها

بالخير يادنيا السعاده شي قل وشي زاد
وانا بعيني شايفٍ بقعا تهز كتوفها

نفخت جمر النار ابيها تشتعل وامست رماد
وصكيت بيبان البنايه والبلا في جوفها

من كثر ماشفت العباد اللي يعبدون العباد
اصرف نظر عيني وجنبها تقل ماشوفها

مات الطبيب وضاع طبه والمرض هيمن وساد
وانا اتمسكن في رجاها وارتعش من خوفها

وان كان راس المال ولىّ واصبح المربح نفاد
ماتنفع اليمنى على اليسري بخبط اكفوفها

اعمر مدينة ربما واروي رواية شهرزاد
ومن الشقا حتى عيوني صرت اكذب شوفها

يالليل نزرع زرعنا والصبح ياطاه الحصاد
واللي نبي منها تلقينا بياض اخفوفها

ماباقي(ن) غير الحضوض اتباع في سوق المزاد
عند الرجال اللي تزكي كذبها بحلوفها

ياما تلحفنا السما وفراشنا شوك العراد
ومن المعزه ماطلبنا الناس من معروفها

وتراي من غيرك سوات العين من غير السواد
واليا فقدتك مثل يوم العين تفقد شوفها

في داخلي كنك وزير الداخليه فالبلاد
لبى العيون اللي تهددنا بحد سيوفها

.

منقول مما أعجبني
للشاعر/ إلهاب بن عوض الحربي

عبير ,نبض غلاك ,شَرقَآويهہْ♥ معجبون بهذا

الموضوع الأصلي: بيوت الشعر || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

fd,j hgauv