نجديه

نجديه

نجدية شاعره متميزه جداً
شاعره كبيره وقديمه
قصيدها يعجز الوصف وعيون الكلام
كما يقول الامير سعود بن عبدالله..

( نجدية )
هي حرم صاحب السمو الملكي الأمير
(سلطان بن عبدالعزيز)
رحمة الله
سمو الأميرة (منيرة بن عبدالعزيز بن مساعد) رحمها الله .
وهي والدة صاحب السمو الملكي الأمير خالد وسمو الأمير فهد
والأمير تركي بن سلطان والأمير فيصل بن سلطان
و الأميرة نوف، الأميرة جواهر، الأميرة البندري، الأميرة لولوة، والأميرة لطيفة.

وللشاعره نجديه
قصائد كثيره في الأمير سلطان
سواء في مرضه أو سفره
ومن قصائد الشاعرة نجدية في صاحب السمو الملكي
الأمير (سلطان بن عبدالعزيز) -رحمة الله-

*لا بــاس*

لا بـاس يـالمحبـوب روحـي تفــدّاك

لا بـاس يـامضـنـون عينـي حبيـبـي

يـاعـلّ ربـي يـاهـوى البـال ياقــاك

مـن كـل شـر وكـل جـرحٍ عـطيـبـي

يـاليتنـي خـذت المـرض عنـك مـاجـاك

وتصيـر مـن بـدّ الخـلايـق طـبيـبـي

تـرى حـيـاتـي مـاتهـنّـا بـليــاك

ليتـك دوام مـن عـنـد عينـي قريـبـي

يـالـيتنـي نـسـمـة صبـاحٍ بـدنيـاك

الثـم جبيـنـك عـقـب طـول المغيبـي

أو لـيتنـي طـيـفٍ يـزورك بمـمـسـاك

وأشـاهـدك واقـول يـانـفـس طـيبـي

بالحيـل أحبـك و أعـشـقـك واتمـنـاك

يشـهـد عـلى مـا اقـول دمـعٍ سكيبـي

انـا دخـيـلـك لا تـطـوّل بـفـرقـاك

رد لـعيـوني نومـهـا اللـي حـريبـي

هذه ألقصيده كتبتها أثناء مرض سموه

وتخاطب في أبياتها ابنها خــــالـــد

سهرت الليل ياخالد وأنا دمعي مخاويني

اداري فيظها الوارد واقول الصبر ياعيني

ماهو بالدمع لي فايد ولاكنه معزيني

عن الي عني مباعد وبعده حيل يضنيني

الا يارب يامساعد دعيتك لاتخليني

تسلم عمر بوخالد وتشفيلي نظر عيني

وشوفه مقبلن عايد يغيث الروح ويحيني

ويركد خافقن زايد عقب غيبته مشقيني

سهرت الليل ياخالد وانا دمعي مخاويني

اداري فيظها الوارد واقول الصبر ياعيني

يامن يراعيني بعينه واراعيه

في عيون قلبي كل مالاح زوله

يفز قلبي لا تبــدت موالــيه
واغض عنه الطرف والناس حوله

اقعد معه في الناس مااقدر احاكيه
اخشى لساني يختلف في مقوله

يغلي الحكي في خاطري مااقدر احكيه
يصرخ بصدري صمت قد طال طوله

اسرح بفكري لا جا طاري فيه
لا اقدر ارد الهرج ولا اقدر اقوله

لا اقدر افيض سر قلبي ولا اخفيه
لا اقدر اداوي له جروح عليلة.

يامن يناديني بقلبه واناديه

يامودع ليلي ليال طويلة

ينسى الغفى عيني اذا جيت باغيه
يامن يلوم الي خلا من خليله

يعتـادنـي عيــد الشقـا يــوم فـرقـاك
ويعتادنـي عيـد الفـرح يوم أشوفــك

مـاهــو بعيـدٍ مــا سمحلــي بلامـاك
عـزي لعيــنٍ شـوفهـا مـا يحـــــوفك

يـشتـاق لك بالحيــل قلـــبٍ تمنـــاك
قلـبٍ تعشـق فيـك كامـل وصـــــوفك

قلــبٍ يشــع مــن الفـرح لين لآقــاك
وليـن تلاقـت مـع ظــروفه ظــــروفك

مـاظنـي أصبـر ياحـبيبـــي بليـــاك
مـن غيــر مـا تلمس إديني كفــوفك

أجلس بقربك وأهتني في مراعـاك
صوتي يترنم في خماسي حـــروفك

*اسمها ياغايب*..

يا غايب عن مدى شوفي

متمكن في وسط جوفي

لاموني الناس في حبك

وقلبي عن العذل مصدوفي

ماقوى العزا عنك لا والله

لكن تحدتني ظروفي

ظنيت في البعد لي سلوى

وانا اللي انصبت بسيوفي

حاولت اداوي وجع عيني

بس اخطفت عيني اكفوفي

يا صاحبي لد لي شوفك

أسيرك اليوم مكتوفي

متغرب يرتجي وصلك

يا علك بحالة تروفي

حاول يصور معاناته

وعبر عن الشوق بحروفي

وسلآمتكم

شَرقَآويهہْ♥ ,شهوده ,نبض غلاك و 1 آخرون معجبون بهذا

علي

الموضوع الأصلي: نجديه || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

k[]di ,pd]i