انثى معجونة ب ماء الحب

[شهد الروح]

في عنا ظرف طارىء بالبيت بتوجب ع ماما واختي الكبيرة يسافروا عند اخوي ع قطر لمدة شهر بشهر رمضان
اخوي حابب كتير بابا يروح معاهم وبابا رافض الفكرة بتاتا ....
بس اليوم وهلا تحديدا انصدمت من سبب رفضه انو يروح مع امي واختي
حكا انو م بأمن عليي يتركني عند خواتي
لاني كتير عصبية وبخاف اعمل شي اللهم بغيابهم
على قد ما انجرحت بحياتي
على قد م بكيت بحياتي
واتمنيت الموت ع قد م فكرت بالانتحار
على قد ما انقهرت واتوجعت بحياتي كلها وانخنقت وانقهرت بدنيتي
كان هالشي اكتر شي مظلم وقاسي انحكى الي بحياتي
خصوصا انها طلعت من بابا
اتعودت ه كره ماما وخواتي الي وظلمهم الي واستفزازهم الي وقهرهم الي
بعرف ومتاكدة من عدم محبتهم الي
كان اللي يعيني عالحياة صداقتي مع بابا وأخوي محمد .مع اني مدللته
وكل العيلة بتعرف اني المفضلة عنده
حتى زمان بس كانت خالتو الله يرحمها عايشة
وبس كنت اروح عندها
كان يحكيلها خدي اي بنت عندك بس خليلي شهد هي الوحيدة اللي بتسهر معي
وما بحب الا قهوتها والوحيدة اللي بتصحيني عصلاة الفجر
يمكن كلام ماما وخواتي أثروا عليه
ما بعرف ليه هيك حكي
كتير مخنوقة
الله يرحمك يا خالتو
كنت الوحيدة اللي شايفاني عحقيقتي
ما حد فهمني بالدنيا غيرك
ولا حد عاملني بالحب اللي بستاهلو غيرك انتي
ليه رحتي
ليه تركتنيني
اشتقت لحنانك ...اشتقت تحضنيني
اشتقت تحكيلي يما
يا الله شو اشتقتلك
انا ككككككتير بحاجتك
زوريني بالمنام الليلة
اشتقتلكككككككك

أمَوآج آلشَرقَيهہْ♥ ,متأمل ,ابن الهيثم و 2 آخرون معجبون بهذا

عآزفّ النّآي ,ذات نقاء

[شهد الروح]

اللي بمر ع حزنك مرور الكرام
وما بترك وراه اي كلمة مواساة
اتاكد تماما انو مااااااااااااااا بحبك

White ,ذات نقاء ,ابن الهيثم و 1 آخرون معجبون بهذا

متأمل

[شهد الروح]

من اول ما بدا هالشهر
وانا حاسة بضيق وخنقة وغصة
كمان 15يوم تحديدا
بصير بدو يمر سنة ع وفاة خالتي الله يرحمها
كانت اليوم ماما ترتب مع خالتي التانية
واخوالي مشان نعمل سنوية لخالتو الله يرحمها
نتجمع ونقرا ختمة قران ونعمل اكل ونوزع عن روحها
تفاصيل مرضها محفوووور براسي حفر
ولا اي تفصيل وقت كنت ازورها بالمستشفى عم يروح من عقلي وقلبي
وذكريات اخر يوم شفته فيها
عم تحرق قلبي حرق
ما كنت اعرف انو حيكون اخر يوم الي معها
بس انا حسيت وحياة الله حسيت
كان الها شهرين بالمستشفى
شهرين قضتهم بال icu
كانوا يمنعوا عنا اي حد ينام عندها بس كانوا يسمحولنا بالزيارة من الصبح للساعة تسعة ونص بالليل .مع انها كانت بال icu
بس ضحكتها ما كانت تفارق وجهها رغم الوجع الكبير اللي كان يوكل جسدها
يمكن كانت غلطتنا انو خبينا عليها انو الكانسر اللي شفيت منه قبل تلات سنين
رجع بكل شراسة وانتشر بالكبد بشكل سريع

هي م كانت تعرف
كانت تحكيلي يا شهد بدي تروحي عداري انتي وخواتك وتنزلولي البرادي واغسلوهم
مشان بس اطلع
كانت تحكيلنا انا ما فيني شي صح
كانت مفكرة انو هي بالمستشفى مشان الاصفرار اللي كان معها .كانت تحكيلنا رح اطلع قبل رمضان صح
كانوا الدكاترة مفهمينا حقيقة وضعها الصحي تماما
كنت كل مرة اروح فيها عندها تستقبلني بضحكتها الدافية وحضنها الحنون
وكل ما يسؤلوها الممرضات مين هدول اللي عندك
تطلع عليي انا وخواتي وتبتسم ابتسامتها الحلوة
وتحكي بصوت بفوح منه الحنية
دخول بناتي .ما كانت تحكي انو نحنا بنات اختها
كانت بس تشوفني تمدلي أيدها
مشان امسكهم واضل ماسكة بايديها طول فترة الزيارة .الأربع ساعات أو الخمس ساعات اللي كنت اقضيهم عندها كنت طول الوقت واقفة عرجلي ماسكة ايديها وما افلتهم ابدا
حتى وقت تنام ما كنت أفلت أيدها
اخر مرة رحت ازورها
كانت تعبانة ككككككتير
كانت موجووووووووعة ككككككككككتير
وقتها بتزكر اني طلعت من الغرفة خمس مرات اعيط لانو حسيتها بتودع
قلبي قبضني ما قدرت اشوفها وهي عم تتوجع
بس سلمنا عليها انا وماما واختي وحمود
حكينالها بكرة منرجع نشوفك
كانت آخر كلمة حكتلنا إياها
والله بتزكر سلمولي ع هشام اللي هو بابا
لما روحنا سألنا بابا كيف خالتكم
رديت بيني وبين نفسي خالتو بتنازع
غصيت كككككككتير مو قادرة اكمل

الله يرحمك يا خالتو
الله يرحمك يا امي
ايه كنتي امي واحن إنسانة بالدنيا عليي
حتى صوري وانا وبيبي وانا صغيرة كانت بحضنك انتي يا حبيبتي
يا الله شو اشتقتلك يا خالتو
يا الله شو نفسي ازور قبرك
يا الله شو ندمانة اني ما ودعتك
اكتر شي حارق قلبي انك رحتي وكنتي لحالك
ما كنا حواليكي
الله يرحمك يا روح روحي

أمَوآج آلشَرقَيهہْ♥ ,ابن الهيثم ,ذات نقاء معجبون بهذا

[شهد الروح]

لقد كان فراقاً عادياً يزول أثره مع الوقت أو لايزول ،
لكن السؤال الذي يؤرقني دوماً محاولاً طرده من رأسي :



كنتُ دائماً أضيئك،كيف استطعت إطفائي؟"

أمَوآج آلشَرقَيهہْ♥ ,شاهستا ,White و 1 آخرون معجبون بهذا

ابن الهيثم

[شهد الروح]

لِمَ لمْ تُعاتبهم هذه المرَّة كعادتِكَ؟


⁠‫فأقولُ لكَ: كنتُ أعاتبهم لأني كنتُ أريدُ أن أبقى!

⁠‫أما الآن فقد اكتفيتُ وأريدُ أن أغادر، ⁠‫
وأنا حين أُغادرُ أقفلُ الباب خلفي بهدوءٍ وأمضي....
⁠‫يُصبحُ المرءُ بارداً لشدَّةِ ما احترقَ

أمَوآج آلشَرقَيهہْ♥ ,شاهستا ,White و 1 آخرون معجبون بهذا

ابن الهيثم

[شهد الروح]

الي فترة مو منزلة مواضيع وحابة انزل تحليل جديد
لهيك عم بلعب اختبارات تحليل شخصية
مشان اعتمد موضوع حلو ومناسب لادرجه هون
من بين الاختبارات اللي عملتها
اختبار بعنوان شو هي القصيدة اللي الفها نزار قباني من اجلي
وهيك نتيجتي طلعت

يبدو أنكِ إمرأة صبورة جداً في حبك ,
وتتحملين الكثير من الحماقات والتفاهات فقط كي يظل حبك ساكناً ولا تتخلي عنه بسهولة
لذلك قال عنك نزار قباني وغني إليك كاظم الساهر
:ff1 (152)::ff1 (152): " يا إمرأة أعطتني الحب بمنتهى الحضارة
وحاورتني مثلما تحاور القيثارة
تطير كالحمامة البيضاء في فكري إذا فكرت
تخرج كالعصفور من حقيبتي إذا أنا سافرت
تلبسني كمعطف عليها في الصيف والشتاء
أيتها الشفافة اللماحة العادية الجميلة
أيتها الشهية البهية الدائمة الطفولة "

أمَوآج آلشَرقَيهہْ♥ ,شاهستا ,ابن الهيثم معجبون بهذا