إيقاع المطر مدونتي ومحمية حرفي

[سيدة الحرف]

يالي خليت دمعي على خدي يسيل
روح ماعاد بخاطري اسكن قصورك

ولاعاد يطربني منك عزف ومواويل
ولاعاد يغنيني عن.. الناس حضورك

ولاعادت بسماتك بعتم ليلى.قناديل
ولاعاد يعنيني وش هو.... شعورك

أنا مانكر انك من اخيار ..الرجاجيل
وانك تتحرى الحكمه في كل امورك

وانك رجل محشوم عن القال والقيل
وان وجوه العشاير يطلبون. .. شورك

لكن الى خلاني عن غرامك.. ... اميل
انك أرهقت قلبي بالغيره. .. وغرورك

رآنيا معجب بهذا

[سيدة الحرف]

ليت الزمان يجيني بيوم على.. الكيف
ماكنت بوصل الي ماقدرو .... وصالي

غابت كلمة حياك وصار الكلام ياحيف
شلون يصد الي ماغاب يوم عن بالي

ماكنت اظن بيوم كل هاذ الغلا. زيف
ومن البشر هو مكسبي وراس مالي

ياكلمة قالها اشد من ضربة. السيف
ذاك الي كان اقرب من عمي وخالي

ياصاحبي الهوى مايحتاج .... تعريف
كان ومازال لك بالقلب مكان. عالي

ياكم مريت وسكنت باحلامي طيف
مانيب ناسيك ولا عن هواك سالي

رآنيا معجب بهذا

[سيدة الحرف]

ليت الزمان يعــوَد والتــــــــــقي...... واياك
وبسمــتك تنـوَر وما تــــــــــعاود ..... تغيب

يابو رمش مـحني ولـــــــــــلقلب ..... ملَاك
وعيون ولهانه شــبَت بظلوعي .. لهــيب

يذبحني حنـــــــــــــــيني للــسهر...... ويَاك
يالي انت البلى والــــــــــدوا... والطــبيب

من شفت عيونك ايقـــــــــتنت .. بالهلاك
وتمنيت شكوكي بهجـــــــرك لي. تخيب

ارجع الدنيا ما تـسوى شي......... بلاَك
ولا العيشه والله من غــــــــيرك. تطـيب

لدربـك يا خلـــــــــي سرابي ..... هـــــواك
والعـــين ملــــها البــكا .... والنــــــــــحيب

سكنت وما ســــــــكن حد روحي. سواك
ولا قــــــــلبي تقبل غيـــــــــــرك .... حبيب

غبت عني سنــــــــين وما قدرت . انساك
وطاريك له كل يوم بهرجي . نصـــــــيب

كفاني ما شفت من البـــــعد وكفــــــاك
غربه تعال وخلـــــــــك مني ..... قريـــــــب

خلني كل يوم اتصــــــــــــــــبح ...... بضياك
ونغم ضحكاتك وتر قلبي ..... يصــــــــــيب

يا زهرة ربيــــــــــعي انا الــيوم ..... ارجاك
ما تخلني وحدي بهاـــــــــــدنيا ..... غريب

رآنيا معجب بهذا

[سيدة الحرف]

لين الوقت في بعدك غدا قاسي
وراوي الشوق من جفاكم ضامي

لبيييه يا بعد كل ربعي . وناسي
مشتاق لكفك تومي . بالسلامي

ماني لهواكم ياهوى البال ناسي
غلاكم توسد في خفوقي ونامي

مركب الشوق بالحنايا .... راسي
مكسور مجدافي والموج طامي

ينزف على الاوراق بوحي وياسي
الحبر من حنيني والحرف ... دامي

على حر الاشواق ياقو ..... باسي
ياخلق اعذروني وكفو .. الملامي

رآنيا معجب بهذا

[سيدة الحرف]

جيت اصبحكم بابتسامه
ياجعلكم بخير.. وسلامه
والي شاف شي فنامه
يخبر وانا افسر ...احلام

لا تظنو اني ...... بصاره
تلعب بودع ...... واحجاره
انا اخشى ربي .... وناره
لكني افسر ........ احلام

هاذي مشاكسة الصباح
للمسك الي بالجو . فاح
ياعسى فالكم ... الفلاح
بكل الي شفتو فالمنام

رآنيا معجب بهذا

[سيدة الحرف]

في محراب الجمال
ضاعت تراتيل صلاتي
‏:
وتوقفت ساعة الزمن
عن الدوران لحضاتي
‏:
ووقع القلم شهيدا
بين الابهام والسباباتي
‏:
وتحرك في داخلي بركان اعجاب
نابعا من صميم ذاتي
‏:
وصمتت شفاهي عن الكلام
وثوى اللسان ملازما صمته
خلف ذيك الشفاتي
‏:
وبعد جهد رطبت بحروف
اسمك بعض الكلماتي
‏:
وعادت قدسية الصمت تلف المكان
وتغلف من حولي تضاريس الحياتي
‏:
وأخذ الكون يعزف موسيقاه حولي
وبعدها راح في سباتي
‏:
وعلى اعتاب هذا الجمال
ارتجفت اوصالي
وتوقف النبض في صدري
وتباطأ مسير الدماء في
في عروقي
واقمت وانا حي طقوس وفاتي

بقلمي

رآنيا معجب بهذا