تحليل شخصية المعتفس ..~

[المعتفس]

	المشاركة الأصلية كتبت بواسطة مختلف..!

	اهلاً اهلاً المعتفس طيب عكس ما ينشره من ردود اخلاقه عاليه وصريح ولا يجامل احسه بس زعلان الفترة الاخيرة يحب الرسم خياله واسع بس هذا ما لدي تحياتي ..

لازعلان ولا شي ..أعيش أجمل فترات حياتي ولله الحمد
وترى ماني صريح والله لو صريح كان انحظرت من زمان وماكنت أكثر واحد يعدل ردوده عشان محد يزعل
انت تشوف مزحي قوي مع اللي يمزحون معي قوة وتفكره صراحة بس مو صراحة

وماعلى اخلاقك زود ياطيب

alwafa ,مختلف..! معجبون بهذا

[المعتفس]

	المشاركة الأصلية كتبت بواسطة شذى الهلالية

	صباحكم سعادة ورضا يارب ونبدأ تحليل شخصية المعتفس مع اني ماعرفه زين بس بقول اللي لاحظته احسه طيب وحنون مره بس مايبين ذكي واحسه متمكن بالحوار والمناقشات يحب يحلل الشخصيات ويتعرف عليها ومتنمر وصياد للاخطاء درجه اولى تعجبني فيه صراحته وعفويته شخصيه مرحه واجتماعيه وتسوي جو بالمكان احس عقله بعالم ثاني ويفكر كثير وشخص خيالي ذا اللي جاء على بالي حالياً وان شاء الله اكون اصبت فيها

هلا بالمسكيك
اصبتي فاشيا واشيا مااصبتي
وفعلا عقلي دايم بعالم ثاني بس العالم الثاني مايقدر يفصلني فصل كلي عن واقعي
يعطيك العافية

[المعتفس]

	المشاركة الأصلية كتبت بواسطة آلنـور

	المعتفس : شخص عايش في زمن الطيبين , يحاول يتأقل مع العالم الجديد لكن مو ضابطه معه بس هو , قاعد يقول لنفسه يا ابن الحلال مشيها ,, كل شي يمشي بمزاجه و اللي ما يبيه يمشي ما يمشيه لك لو تموت من الاشخاص اللي يجمعون بداخلهم شخصيات كثيرة , و انت و حظك من تقابل دمه خفيف و مزحه حلو للناس اللي تتقبله بس اللي ما يتقبلونه ما يعجبهم بس بعد فترة من الزمن تلقاهم يتقبلونه حكمه يكون اوقات متسرع , بس الحلو فيه يعترف سريع ,, شاعر من الطراز الفخم هذا تحليلي و يقبل الصواب او الخطأ لحد يهب فيني خخخ

محد بيهب فيك ي بنت الحلال

مافي أحد يقدر يمشي كل شي بمزاجه والله لو هو من
بس صحيح اللي مابي أمشيه من أمزجة الناس ما امشيه لو اموت لكن بدون أفرض عليهم مزاجي

ومالي آلا شخصية وحدة ووجه واحد ولله الحمد
..لكن تضطرب المشاعر أحيان فيني زي إنسان وينتج عنها مجموعة انسان مثل ماقال خالد الفيصل.. ومن كل ضد وضد تلقين فيني

وانا شخص يملك أداوات متواضعة لكتابة الشعر ..بس ماني شاعر
وشكرا لتفخيمي ويعطيك العافية

[المعتفس]

	المشاركة الأصلية كتبت بواسطة خفايآ روح~••

	المعتفس : ع حسب تحليلي المتواضع أنسان من داخله طيب ورحوم مرره ولو أنه يحاول يبين العكس مزوح ومزحه مختلف لانه يجلدك وأنت تضحك صح أحيان لسانه زي السوط يجلد جلد بس مزحه بالنسبه لي متقبل وكنت م أفرق جد بين مزحه وجده لان مزحه عباره عن جلد وغسيل شراع بس بعد فترة صرت متى يكون جاد باختلاف المفردات المعتفس شاب بعقلية شايب مو سبه والله بس اللي تفكيره مختلف نظرته مختلفه توجهاته مختلفه أحكامه غير يعني المنطقيه والواقعيه والصح والخطأ عنده واضحه ومسيطره م عنده هه هه وسريع ف الاحكام لانه يفكر بسرعه ويحلل بسرعه م عنده خلق يتأنى بس والله أنه طيب الأصل والمنشأ وأنه واصل ولايغركم لسانه ولا نفخة ريشه وهواشه تراه رحوووم رحوووم حيل بس دفش عزالله انه دفش صح اذا شفتوه معصب هجوا وخلوه لحد م يفش ويهدأ لانه بيجلدك جلد ويلعن خيرك ولاراح يسمع منك ولا آ آ آ والله يسخرله أطيب عباده ويفتح له الابواب المغلقه ويجعل المسرات والافراح عنوان أيامه .

عندي يسبوني من شخصي لسابع جد ولايقولون لي دفش أو يحسوني دفش

بس بعد ردك ذا حسيت دفش مدحه وحلوة خصوصا انك دايم تقولين عن نفسك دفشة
يبدو لي ان دفشة فمصطلحك شي حلو وجميل

والواحد يتشرف انه يشترك مع طيبه مثلك فصفة

وهذي مهي سبه والله ياخفايا
مدحه
وماعليك زود

والله يجعلني عند حسن ظنك ويجزاك خير على الدعا وادعو لك بالمثل

خفايآ روح~•• معجب بهذا

[المعتفس]

	المشاركة الأصلية كتبت بواسطة رُوح

	المعتفس يبيله قعدة عشان أحلله بس من الشخصيات المألوفة هنا أنا بكتب الأشياء اللي لاحظتها وأنت شوف إذا صح ولا .. أسلوبه يبين أنه عفوي وتلقائي بس أحسه يفكر بالكلام كثير قبل ما يكتبه متفهم غالباً ويتعامل مع كل حد حسب اهتماماته و يعطي الناس على جوهم مرات يسلك ويسلك إذا ما عجبه شي بس آخر شي يعصب أحس لازم يعبر إذا شاف شي ما عجبه وانفعالاته واضحة إذا عصب يصير أسلوبه حاد وكلامه لاذع > يعني اهربوا هههه وصدق أحس أنه يصير شرس مثل ما يقول عن نفسه بس يعصب بسرعة ويرضى وينسى بسرعة إلا إذا الشي كبير اتوقع يكون له تصرف ثاني يهتم ف الناس ويسأل عن اللي يعرفهم و يحاول يفيد بأي شي يعرفه وعطوف على الضعيفين وفي لأصدقائه ويتغاضى كثير إذا تعود على شي ما يتركه بسهولة مثل رمزيته واسمه وعنده إرتباط كبير ف الماضي وذكرياته وأحس أن عنده جانب غامض ف شخصيته يمكن محد يعرفه عنه ولا حتى المقربين منه ويحب الخصوصية وأحسه في الواقع متحفظ كثيير وما يسولف كثير وبعد أحس أنه من الأشخاص اللي مروا بظروف وأحداث قوية ووصل لدرجة اللامبالاة وما صار يتأثر ببعض الأشياء نفس قبل دقيق الملاحظة في الأشياء اللي تهمه فقط غير هذا يطنش وما يهتم بالتفاصيل من موضوع الرسم اكتشفت أنه ذكي في قراءة الملامح والوجوه وبعد لما قال أن رمزية ابن الهيثم عجبته حسيته فاهم صح ينفع يكون محقق أو دكتور نفسي أحس بيكشف المجرمين بسرعة وبيفهم النفسيات وبعد أحس أنه شخص مسؤول في الواقع وكريم ويعتمدون عليه ويفزع وقت الشدة لما حد يحتاجه و مجتهد في عمله ومتواضع مع الطيبين والمتواضعين بس مع المتكبرين غير لما يكون مستانس ورايق يسولف كثير ويكون مرح وشقي وطفولي ولما يتضايق يصير هادي وكلامه قليل ومنزوي وبس مدري شو أقول بعد > ما خليتي شي ههههه

والله انتي اللي تنفعين تكونين محققة وطبيبة نفسية
يمكن ٩٩ ونص في الميه اللي حسيتها صح

منورة روح ويعطيك العافية

رُوح معجب بهذا

[المعتفس]

	المشاركة الأصلية كتبت بواسطة نبض غلاك

	المعتفس مااعرفه كثير بس بشكل عام انسان طيب وحبوب ومثقف

شكرا لحسن ظنك