كرسي الإعتراف الرمضاني مع أخي نايف

[‏متأمل]

	المشاركة الأصلية كتبت بواسطة خفايآ روح~••

	هلا هلا بنويف رفيز الحلوه والمره والملعنه طحت ومحد سمى عليك انتظرني وانتظر اسئلتي الطيفه اللزيزة

عز الله جتك اللي تعرفك زين

بس خليك شنب وورينا شطارتك وكذا >>> ما يحرش احد :ff1 (26):

نايف ,الولهان عبدالله معجبون بهذا

[الولهان عبدالله]

:75yh: كل باقات ورد لك نوووويف

[‏نايف]

	المشاركة الأصلية كتبت بواسطة مسترٍيَحٍ آلُبآلُ

	هلا والله بالزعيم الهلالي نايف استلم يالامير هل لك طقوس معينه برمضان عندك وقت تتابع مباريات الهلال انت من الناس اللي يزيد وزنهم في رمضان؟؟ تقضي النهار كله نوم ؟ أو عادي تقضيه وانت صاحي؟؟ الصيام يتعبك؟؟ تتابع المسلسلات الرمضانية؟؟ فرح برمضان أكثر أو بالعيد أكثر؟؟

	هلا والله بالزعيم الهلالي نايف استلم يالامير

- هلا بك زود يابعد راسي

	هل لك طقوس معينه برمضان

- ابد والله دوام ترييحه - بالعصر - فطور -
فرفره احيان بالليل مع اخوياي
اما طلعنا الاستراحه والا رحنا النادي
ولو اني مشطب على النادي للحين بذا الرمضان

	عندك وقت تتابع مباريات الهلال

- الا مباريات الهلال لو مافي وقت اخترعلها وقت غصب

	انت من الناس اللي يزيد وزنهم في رمضان؟؟

- زياده طفيفه في الغالب احاول ماافتح المجال كثير
لطلبات الكرشه المصونه

	تقضي النهار كله نوم ؟ أو عادي تقضيه وانت صاحي؟؟

- لا ابدا من فتره طويله يمكن ذا رمضان الثالث
تغير روتين النوم في رمضان مع الدوام للاسف
وصار يمر اغلب اليوم صاحي مع بعض الغطات
قبل وبعد الدوام

	الصيام يتعبك؟؟

-لا ابدا مستمتع فيه جدا

	تتابع المسلسلات الرمضانية؟؟

- فقط مايعرض بين المغرب والعشاء
والباقي اتفرغ له في شاهد بعد رمضان

	فرح برمضان أكثر أو بالعيد أكثر؟؟

- صراحه رمضان اكثر احس ايامه كلها عيد

شرفتني بمرورك ياغالي

alwafa ,طقاقة أم عنبر معجبون بهذا

[‏نايف]

	المشاركة الأصلية كتبت بواسطة متأمل

	ً ً ما شاء الله نيوف متربع على كرسي الاعتراف سؤال : ايهم اقرب لمعدتك الفطور او السحور ؟ هل انت ممن ينام بعد الفطور يعني تاخذ غطة قبل الصلاة ؟ احب اكلة رمضانية عندك ؟ وش رايك في دوام رمضان بالنسبة للطلاب ؟ هل انت من النوع اللي يحب يلعب كرة طايرة في رمضان ومتى ؟ كم رمضانات افطرت فيهم ؟ وين راح تقضي العيد ؟ :ff1 (208): هل عندك نية تسوي انقلاب على الادارة وتحتل المنتدى ؟ ِ

‏

	ما شاء الله نيوف متربع على كرسي الاعتراف ‏

ايه والله ياخوك متربع
والكرسي يتهزهز مو مريحني بالمره
احس راح تجيني مصيبه من وراه

‏

	سؤال : ايهم اقرب لمعدتك الفطور او السحور ؟

يمكن الفطور
وعلى الخفيف بعد
اما السحور مو حريص عليه كثير


‏

	هل انت ممن ينام بعد الفطور يعني تاخذ غطة قبل الصلاة ؟

نهائيا
احس لو نمت ماصليت

‏

	وش رايك في دوام رمضان بالنسبة للطلاب ؟

برأيي مجرد اشغال للطلبه واولياء امورهم
لا اقل ولا اكثر

‏

	احب اكلة رمضانية عندك ؟

الاكلات الخفيفه سمبوسه شوربه فطاير
زي كذا مااميل للاكل الثقيل

‏

	هل انت من النوع اللي يحب يلعب كرة طايرة في رمضان ومتى ؟

جدا
الاسبوع ذا رحنا رتبنا الوضع بالاستراحه
وان شاءالله من الاسبوع الجاي تبدأ الفعاليات
وبالعاده نبدأ الساعه 10 ونص 11 كذا
لمين 12:30 وحده

‏

	كم رمضانات افطرت فيهم ؟ ‏

مااذكر صراحه من بلغت 10 سنين كذا اني افطرت

‏

	وين راح تقضي العيد ؟ ‏

الى الحين محليا
في الغالب يكون بالاستراحه
مافي وقت للسفريات

‏

	هل عندك نية تسوي انقلاب على الادارة وتحتل المنتدى ؟ ‏

ياخي انت فضيحه
احد يقدر يقول اعترافات خطيره زي كذا هنا


شرفت ونورت حبيب قلبي
ولا تفتح علينا العيون المغمضه

متأمل معجب بهذا

[‏نايف]

	المشاركة الأصلية كتبت بواسطة خفايآ روح~••

	هلا هلا بنويف رفيز الحلوه والمره والملعنه طحت ومحد سمى عليك انتظرني وانتظر اسئلتي اللطيفه اللزيزة

بصوت ابو طلال الحمراني
وهني كانت الصدمه .. اهلا .. وسهلا

•
•
هلا هلا خفخف
تو مانورت الاستضافه
وانّكَب كرسي الاعتراف باللي عليه

انا اقول اديتي الواجب وسلمتي الله يحفظك
ماله داعي تشغلين روحك بالاسئله

المهم اذا مالقيتيني موجود سلميهم للي بعدي

متأمل معجب بهذا

[‏نايف]

	المشاركة الأصلية كتبت بواسطة متأمل

	عز الله جتك اللي تعرفك زين بس خليك شنب وورينا شطارتك وكذا >>> ما يحرش احد :ff1 (26):

كن بالقرب ياصديقي
هذي اللي مااقدر عليها لوحدي
تتربط الشياطين كلها برمضان
ويقعدون هي وشيطانها مركوزين

متأمل معجب بهذا