الناس ما تبتلي من روس عقّالها
دايم بلاويّها / من روس جهّالها
لو كل جاهل ليا جات اللوازم سكت
ما كان شفت الجهالة / يكبر ظلالها
امسك عيالك عن العالم بحزم وعزم
عشان كل الخلايق / تمسك عيالها
الناس مثلك بعد تزعل بوقت الغلط
تهمل مواجيبها / تذبحك باهمالها
الوقت
يكشف لك
وجيهٍ مهي بتنكشف
مَعْ كل هبّة هبوب / تبيِّن أشكالها
والخلق ماتنوزن بالمال / يا مسندي
أكبر غلط / لا وزنت الخلق بأموالها
مجالسٍ خمسة بخمسة ولا لك محل
أربع وعشرين ساعة / تطبخ ادلالها
ومجالسٍ ( كبرها كبراه ) ماتندهل
حتى بساس الحواري / ما تعنّى لها
معادن الخلق / ماتظهر بوقت الرخا
لا صمّلت / شف معادنها من أفعالها
واللي مـَ يقدر ( نفصلِّه ثياب العذر )
حنا أكثر / اللي يعذْر الخلق وأحوالها
يا ليت بعض الهقاوي قبل لا تنهقي
ما تنهقي / غير تعرف / وين مدهالها ؟
العرض العادي
