مذكرات شاعر خارج عن القانون

[كِـــنـــان]

بالنهايه ممكن احذف كل شي
بكبسة زر
وممكن غيب غياب أبدي
بس بتضل مذكراتي ذكرى

[كِـــنـــان]

بزماني عملت مدونه عالفيس
ماكنت وقتا مقتنع بالمنتديات
وآخد عنها فكره كثير سيئه

قسماً بالله اكتر من نص الأشعار اللي دونتا
ماني حافظ منها شي
يعني اتخيل شاعر مابيحفظ أشعارو

لا لا تتخيل .. أنا مابحفظ أشعاري
لإن أغلبها ارتجال او ردة فعل فوريه
أو ذاكرتي بتخونني

تعبت بهالمدونه
راح الحساب و راحت
وراح كل هالتعب بالفراغ

مارح اذكر كيف راح وليش راح
لإن مابدي فتح جروحاتي
خلص راح وبس

[كِـــنـــان]

أول منتدى سجلت فيه
بعدما اقتنعت بالمنتديات
كان سوري
حصين البحر مدري موج البحر
والله نسيت
دخلت عالأدبي
ما لقيت شعراء شباب
كلهن عمالقه وسيرياليين
حتى صاحبة المنتدى شاعرة سيرياليه

قلت بيني وبين حالي
شو هالاستفتاحيه
سيريالي ؟ مابحبو مع اني قادر كنت اكتبو
مابحبو لإن مو موجه لكل الفئات
موجه ل فئة وهالفئة لازم تكون كلها فطاحل
بتفكيك الشيفرات

رح دون السيريالي بهالمذكرات
بس مو هلأ

[كِـــنـــان]

أكثر رسالتين اجوني بعد قرار الحذف

ليش
مجنون

[كِـــنـــان]

وسائل نفاق اجتماعي
مو تواصل اجتماعي

[كِـــنـــان]

في تشابه بيني وبين نعيم الشيخ
من ناحية الحب من طرف واحد
وكثير نواحي
بس صوتو أحلا من صوتي