((ذكرى الغلا))

[القارظ العنزي]

((ذكرى الغلا))

يا طيب ربع ودعونا على .. الطيب
ويا شين ناس بالردا ........ ودعونا
ذكرى الغلا تهديك طيب المعازيب
وذكرى القلا تنسيك ناس .... نسونا
ناس حميناهم بوقت ..... اللواهيب
يا للاسف وشلون هم .. . ما حمونا
لكن عزايه فوق روس ... المراقيب
اطلع لذكرى من لقيت ....... ولقونا
يوم اتذكر جلسة الشيب . والذيب
جلسة وفاهم يوم احتجت وعطونا
مرحوم يا نطاح وجه .... المطاليب
نطاح وجه القوم يوم ...... اطلبونا
مرحوم يا ذباح حرش ... العراقيب
كوما سنام لضيوفكم ...... تنحرونا
والا الردي ذكراه عيب ... ورا عيب
والعين تكره شلته لو ........... لفونا


القارظ العنزي

عبير ,عتب خرساء• ,ابن الهيثم و 2 آخرون معجبون بهذا

جنرال ,رآنيا

الموضوع الأصلي: ((ذكرى الغلا)) || الكاتب: القارظ العنزي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

((`;vn hgygh))

[رآنيا]

صح لسانك شاعرنا المبدع
الله يقويك ويعطيك العافية

~

القارظ العنزي معجب بهذا

[القارظ العنزي]

صح بدنك رآنيا
والابداع في طلتك
البهية على متصفحي
المتواضع

[جنرال]

صح لسانك ،،، وسلم قلمك ،،
مبدع دوم ماشاء الله ،،،
لاحرمنا الله كلماتك ،،
دمت بخير ،،، وشكري وتقديري ،،

القارظ العنزي معجب بهذا

[القارظ العنزي]

صح بدنك جنرال
لا حرمنا ذوقك الراقي
ومرورك العطر

[سيدة الحرف]

ان كان الطيب ضيف حنا له معازيب
ومن طيبنا نكرم الاطياب...اليا لفونا

ونجود فوق جود الاجاويد... ونزيد
ولا ننسى ناس ن بالخير....يذكرونا

ولو جيتنا يالعنزي نكرمك بالي تريد
لا نقصر عن اكرام من...... يكرمونا

هاذي عاداتنا ماهو علينا....... جديد
نشتري ود ناس دون الكل اشترونا

الشاعر العذب
القارظ العنزي
صح لسانك
هاذي مجاراه ومشاكسه
اتمنى ان تتقبلها بصدر رحب

ودي وجنائن الزنبق

القارظ العنزي معجب بهذا