اسالتهم كلهم حلوه ي رانيـا ،
الصراحه استمتعت كثير و انا اقرى و اعرف عنج اكثر و اكثر
و انا اقوووول كيف صرتي جي
الله يسعدك حبيبتي
اخوج هذا ضروري نيبه هني
خليه يسجل
احس شخص فاهم و عارف وايد دعمج
لي سنة وانا احاول فيه ذَا العنيد ومو معطيني وجه
وايد تكلمت ادري ،
خذي راحتك
- ما فكرتي تفتحين لج مشروع .....؟!
من احد مواهبج ...!
صراحة فكرت بس مشكلتي ملولة واخاف اني اطفش واوقف شغل بنص الطريق
- مع الايام عادي رانيا تتخلى عن المنتدى ....؟!
ممكن ما اعرف ايش حيصير في المستقبل
لكن اكيد اني مو بسهولة راح اتخلى عن المنتدى
احب ذَا المكان وهو مكاني المفضل الوحيد اللي ينسيني واقعي ويعيشني الشي اللي احبه
وغير انه المكان اللي قاعدة اطور نفسي فيه
- اذا يت لج فرصه من تاجر و طلب منج
تفتحين مشروع شو راح يكون و ليش ........!
اظن راح اختار فتح محل حلويات بشكل جديد ومبتكر واقدم فيه كل الحلويات الغريبة ومن كل دول العالم
تعرفي اكيد اني احب هالشغلة
فالحقيقة يا رانيا ، انتي انسانه .
دايماً انصدمت منها ، من مواهبج ، و افكارج ،
الله يحفظج لأحبابج ..
الله يسعدلي قلبك على كلامك ويحفظك لاحبابك يارب
ويجعلني دائمًا مثل ما تشوفوني وافضل
هل رانيا مكتفيه بمواهبها
ام يوجد مواهب نحن لا نعلم عنها ؟
ما اعرف اذا كان الانشاد يعتبر مِن المواهب
غير كذا ماعندي الا اللي تشوفوه وبحاول اني ابحر فيهم واتعلم اكثر
حتى ما تكون مجرد هواية مالي فيها اي ثقافة او خلفية كبيرة عنها
ومثل مايقولو اتعلم مِن كل شي شيء واحد ولكن تعلم عن شيء واحد كل شيء
بمعنى انو مهما زادت ثقافتك في امور كثيرة لازم تكوني ملمة بكل شي في حاجة وحدة اقلها
حتى تقدري تعلمي وتفيدي غيرك و تحسي بالرضا لانك راح تصبحي مرجع معتمد في هالعلم
عطيني طريقه اكتشافج لهذه
المواهب ؟ و كيف كانت طريقة تطويرج لها ؟
انا ذكرت مِن قبل انو اغلب هواياتي جاءت بالتقليد وكأني جمعت مواهب عيلتي كلها ماشاء الله
كثير ماكانو يصدقوني يوم اقول اني كنت اخيط مِن قبل ما ادخل المدرسة
امي مبدعة في الخياطة فكنت اجلس معاها وتعطيني الاقمشة وتفصلي الاوراق وانا اقص عليها واخيط
وكانت تعطيني مكينتها اليدوية حق زمان عشان اخيط عليها يوم خلاص اتقنت مسكة الابرة
اشياء كثيرة تعلمتها وانا صغيرة وما كنت مهتمة لها نهائي فكانت اعمالي اقل مِن عادية واحيانا تعتبر خرابيط
لكن الانستقرام كان له الفضل في اكتشاف ابداعاتي بدايةً بالرسم ثم بعدها باقي الاعمال
لاني كنت اتحمس لما اشوف المبدعين يسوو حاجة وصرت اطلع مواهبي واتحدى نفسي اني اوصل مستواهم
وَذَا كان سبب تطوري وبالاضافة اني ادخل ع اليوتيوب ادور دروس اما عربية او اجنبية واطبق
وهالشي زاد مِن معرفتي بالطرق الصحيحة للعمل
عشان كذا تشوفوني اهتم باصحاب المواهب هنا لاني ابغا الكل يستمتع مثلي ويتطور اكثر
مشاءالله و له حق اخوك يفخر بنفسه و فيك على قد الاثر الجميل
الله يخليكم لبعض،،
امين والله يخليلك احبابك يارب
- رانيا بين الحاضر و الماضي ماذا اكتسبتي و ماذا فقدتي؟
كشخصية ام عن ما امتلكه مِن مواهب ؟
بشكل عام في الماضي كنت ذات شخصية قوية ونفس ماانا عليه الان احب تعلم اي شيء
وعندي ثقة كبيرة غير محدودة الا ان ثقتي هذه كانت مهزوزه لانها كانت مرتبطة بشكلي ومظهري الخارجي فقط
لكن مريت فترة بضغط نفسي وحياة سيئة ووجود اشخاص حولي كانو يقللو مني سواءً كشكل او حتى امكانيات ومواهب
هالفترة كانت مدتها سبعة سنين ابتعدت فيها عن كل شي وفقدت ثقتي بنفسي وشغفي وهدوءي وامور كثيرة
اقدر اقول باختصار اني فقدت نفسي لدرجة اني الان ناسية في ايش ضاعت السبعة سنين
بعد السبعة سنين قدرت استرجع نفسي لكن بموقف سيء ثاني صحاني وذكرني بما كنت عليه مِن قبل
فاكتسبت ثقة جديدة بالنفس غير ذيك اللي كنت عليها مِن قبل
ثقة مرتبطة بقوة شخصيتي وامكانياتي وبشغفي واصراري لعمل اي شيء
فما انا عليه الان وما اكتسبته مِن امور هي كلها نتاج تطوير وتصالح مع النفس مدتها اربعة سنين
- هل يجيك احساس بالكسل لما تحاولين تعملين شي ما و كيف تتغلبين عليه؟
ايه كثير ودايم
مرات استسلم للكسل
لكن غالبًا اضغط على نفسي بالقوة واقوم اسوي الشي اللي بغيت اسويه
لاني اكتشفت اني بعدها بعشرة دقايق ابدأ استمتع بالعمل ويروح عني الكسل
العرض العادي
