عزيزة يا بيوت الطين لك وسط الحشا منزال

[قصيَميَہ رٍزهہَ♚]

عزيزة يا بيوت الطين لك وسط الحشا منزال

يشوق العين شوف اللي بقى من شامخ الاطلال
والاقــي في سككها كــــل ذكـــرى عشقها غالي

أســوق اقـــــدام شوقي للبيوت وخاطري مازال
يعيش بشـــوفهن ذكـــــرى طفولة تحفظ آمالي

عزيزة يا بيوت الطين لك وســـط الحشـا منزال
امــرّك واترك دمـــــــوع الغلا تحكي لك احوالي

اجي لك كـــل ما جـــــا للحزن في داخلي مدهال
واجي لك كل مافـــــاض الحنين لشوف مدهالي

اروح البير لين انـــي اوقف عند حــــــــد الجال
واطل بوســـــطه ودمعي تنـــــاثر فيه من عالي

وامر الســــــكة اللي في وسطها حفرة المصقال
وانا اغلى شي ملكته وقتــها هو كسب مصقالي

فقدت بها رفيـــــــق ٍ لا لقيته قال كيف الحــــال
رفيق ٍ وافي وطيّب ولا قد غـــــــاب عن بـــالي

واجي عند الشعيب اللي يمر بديرتي لا ســــــال
هنا ذكـــرى وقوفي في وسطه وسيله قبــــــالي

واروح لبيت عمّي وان طلعت امر بيت الخــــال
واروح لجـــدتي واطلـــــــع وفي مخباتي ريالي

اطير بفرحتي واللي سالني قلــــــــت معي ريال
واروح اشري من الدكـــان توت مثلج وحـــالي

واروح لبيت جيـــراني وادوّر وينه المدخـــــال
انا اذكـــر يوم انا صغيّر نسيت بوســـطه نعالي

هنا اذكر معاليــــق الســـــراج وحوله المنخال
وهنــاك الدلــــــه اللي عندها مكسور فنجــالي

وهنا فراش الحصير اللي جلس به مستريح البال
ينام وما بقلبـــــــــه شي للأول ولا التـــــــــالي

كفايه .. بطلـــــع من البيت يوم انه بدا ينـــهال
مع اني صــرت احس ان التراب دموع تنهالي

عسى الله يرحــــم اللي مات منهم طيبين الفـال
ويجمعنا معــــاهم في وســـــــط جنات وظلالي

تمر سنين من عمـــــــري واردد للمــــــلا موّال
ترى اللي مالـــــه اول ماله بهذا الزمن تالـــــي

الموضوع الأصلي: عزيزة يا بيوت الطين لك وسط الحشا منزال || الكاتب: قصيَميَہ رٍزهہَ♚ || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

u.d.m dh fd,j hg'dk g; ,s' hgpah lk.hg

[رآنيا]

رااائعة
صاح لسان شاعرها وناقلها
يستحق الختم

لا حرمنا جديدك

~

[قصيَميَہ رٍزهہَ♚]

-




تسلمين يسعدلي روحكك..
نورتي ي آلغلآ ..

[ملآئكيه]

||~




سـلمت آلآيآدي
ع الجههد الرآئـع والمميز
دمت وآََدم الله عطـآئك
تحيـآتي

[قصيَميَہ رٍزهہَ♚]

-


آنرتي ي عسسل ..

الله يعطيك الف مليون
عافيه
لاخلاولاعدم
منك
-
تحياتي لك
-