المِركاز..

[عصام]

تقول العرب :

" أخلاق المرء تظهر في مزاحه "

ابن الهيثم معجب بهذا

[عصام]

لا ترجع فاضي


في الغياب
مو المشكلة إنك تختفي
المشكلة إنك ترجع
بنفس العقل
ونفس الأعذار
ونفس الدور

الغياب الحقيقي
مو غياب عن الناس
الغياب الحقيقي
إنك تغيب عن نفسك
وترجع ولا تعلمت شي

في ناس تغيب
وتقول كانت ظروف
وفي ناس تغيب
وترجع وقدها غير
الأولى
كانت تنتظر
والثانية
كانت تشتغل

لا ترجع فاضي
يعني
لا ترجع بنفس الهشاشة
ولا بنفس التساهل
ولا بنفس الخوف من الزعل

ارجع
وأنت فاهم
مين يستاهل
ومين وجوده كان عادة مو قيمة

ارجع
وأنت عارف
إن مو كل باب يتطرق
ينفتح
ولا كل علاقة تنعاد
تصلح

الغياب
فرصة
يا تبنيك
يا تفضحك

اللي رجع فاضي
كان غايب بالجسم
حاضر بالكسل
واللي رجع مليان
كان ساكت
بس صاحي

لا ترجع فاضي
ارجع
وأنت أثقل
أهدى
وأصدق مع نفسك

ابن الهيثم معجب بهذا

[عصام]

الصمت المكلف


الخلل ما يولد فجأة
ولا يتسلل بالقوة

يبدأ صغير
سؤال ما انسأل
ملاحظة انبلعت
اعتراض تأجل

وباسم الحكمة
او المصلحة
او التوقيت
يمشي

في بعض الأماكن
الصمت ما يكون حياد
الصمت يكون مشاركة

لما يمر قرار
وانت تعرف انه غلط
وتسكت

انت ما كنت متفرج
إنت كنت جزء من النتيجة

ومع التكرار
الصمت يتحول لعرف
والعرف لإجراء
والاجراء لنظام

وقتها
ما عاد الخطأ يحتاج تبرير
صار محمي
ومتعارف عليه
ومزعج للي يحاول يوقفه

اخطر أنواع السلطة
مو اللي تفرض
اللي ما تحتاج تفرض
لأنها متعودة
ان الكل ساكت

على رواق
اذا حسيت ان صوتك مو مرغوب
مو لإنك غلط
لكن لإنك تزعج تخطيط جاهز؟

اعرف
ان الخلل ما كبر
الا لان الصمت كان جماعي
وان الصمت
صار مكلف
على الجميع

ابن الهيثم ,عاقل المجانين معجبون بهذا

[عصام]

اللي ما ننتبه له


اغلب اللي يتعبنا في الحياة
مو الأشياء الكبيرة
ولا الصدمات الواضحة

اللي يتعبنا صدق
الأشياء الصغيرة
اللي تمر كل يوم
وما نوقف عندها

كلمة ما وقفناها في وقتها
حدود ما رسمناها بدري
تجاهل حسبناه طيبة
وسكوت حسبناه حكمة

لين تتراكم
وبعدين نستغرب
ليش صرنا مثقلين
ليش صرنا متوترين
ليش صرنا نضيق من اشياء بسيطة

احيانا المشكلة
مو في اللي صار
المشكلة في اللي تركناه يصير

راجع التفاصيل الصغيرة
لان الحياة غالبا
ما تكسرنا بضربة
تكسرنا بالتقسيط

ابن الهيثم ,عاقل المجانين معجبون بهذا

[عصام]

وإذا يعني تضايقنا..!
ومشوا عنا كثير اصحاب
وتفارقنا
وشققنا الورق للريح
بعض فرقا
تكون الحل قبل نطيح
بعض فرقا
مثل جمره وحنا الشيح
بعض فرقا
كثير أكرم من التجريح
بعض فرقا
تجي جية دعا تسبيح
وكثير أصحاب فارقنا ونسيناهم
كأن كانت علاقتنا علاقة وقت..!
مصالح وأنتهت ..
يمكن
قراب و دم أو جيران
يمكن
تشابه هم
يمكن
واللي يهم
ماضقنا .
(وإذا يعني تضايقنا..!)

ابن الهيثم ,عاقل المجانين معجبون بهذا

[عصام]

البارحه غمضت
عيني لجل اتخيلك
واصقعها نومه الله وكيلك لكن ولا يهمك الليله ان شاء الله
😂

ابن الهيثم ,عاقل المجانين معجبون بهذا