يوم الاربعاء..
اتصلت عليا وحده من المدارس الخاصه
تعالي عندك مقابله شخصيه
رحت طبعا
دخلت صبت قهوه وجلست اعرف ع نفسي وع الدورات والشهاده اول شي
قالته ليا :
واثقه من نفسك ومو مرتبكه<<كانو سته اشخاص
قلتلها ليش ارتبك بنهايه مقابله يعني واعطيتها ابتسامه تلطفيه
اغبى سوال سالته:
كيف نوفر لما نجي نسوي حفلات لو كانت الحفلات وراء بعض
قلتلها : هل الاداريه بيدها الحفلات والا بالانظمه والكمبيوتر
ردت كيف نشوف عندك ادارة الامور !
قالت :لو جاتك بنت تبكي انضربت من بنات
قلتلها :اروح واخليها تضربهم
قالت :كذا تعززي سلوك غلط
قلتلها :هما ضربوها ليش ؟؟
قالت :لو مسكتي الوظيفه كيف راح تكون معاك بيئه العمل
قلتلها :مااتوقع امسك دام كانت الاسئله غير هادفه ولاتمد للاداره بصله كاني بقدم ع مكان بيكون كله احتفال او مضاربه وابتسمت
وساد الصمت
وقفت احسب خلصت اسئلتها
قالت لسا باقي
قامت تمدح وان راح نتصل عليك وانتبهي لجوالك عشان ع طول تباشري
قلت يصير خير وخرجت
لما ركبت مع اخويا السياره
قلتله الملكه ماتسوق صح قال مليون صح
قلتله برضو ماتتوظف ضحك قال حقها مانقول شي
<< اذ ابغى تعزيز اخواني المتنمرين وبس
واتصلو عليا العصر ومارديت اقول لاخواني ماارتحت
لما تجمعو ع قهوه المغرب امس
اخويا الكبير قال قولي والله ان رفضك عشان ماتبغي تداومِ الصباح ههههههههههه
سمعه سيئه
واليوم خميس قهوه المغرب بكون فاكهه الجلسه متاكده
مايعدوها ليا بس زبطتهم بكم صينية حلا عشان يسكتو
العرض العادي
