مواقفك العشوائية تقول مرحبًا، اسئلة خفيفة لكم

[منظم الفعاليات]

مواقفك العشوائية تقول مرحبًا، اسئلة خفيفة لكم

الحياة ما تمشي على خط مستقيم... أحيانًا تضحكنا، أحيانًا تحرجنا، وأحيانًا تخلينا نقول ياليت الأرض بلعتني

في هذا الموضوع، جايين نكسر الجدية ونفتح باب الفضفضة والمواقف اللي نحاول ننسى إنها صارت بس للأسف تنعاد في ذاكرتنا كل ليلة قبل النوم 😅

خلونا نضحك مع بعض، ونشارك مواقفنا

1- هل فعلت يومًا شيئًا محرجًا وقلت بعدها: "يارب محد كان شايفني"؟ 😅
وشو كان؟

2- ما أغرب شيء فعلته وأنت نصف نائم/نائمة؟

3- إذا جوالك انعرض على الشاشة فجأة…
ما أول تطبيق تتمنى ما يفتح؟

4- هل سبق وأرسلت رسالة لشخص بالغلط؟
وش كانت ردة فعلك ورده؟

5- تتوقع الناس يحبونك ، ولا يهربون منك؟ ولماذا؟

6- هل في موقف صار لك وأنت صغير، للحين ينذكر في العائلة ويضحكون عليك؟!

7- ما أغرب إشاعة أو تفسير سمعته عنك… وانصدمت منه؟

8- هل قد كذبت كذبة صغيرة جدًا، بس كبرت عليك وما عرفت تتراجع عنها؟

9- هل صار لك موقف سويت فيه إنك نايم عشان تهرب من شي؟ وش كان؟

10- مرّ عليك يوم تصرّفت فيه وكأنك في فيلم درامي؟
تصرف مبالغ فيه؟ وش اللي خلاك تعيش الدور؟


اترك المجال لكم

شـ♞♜♕ـطرنـج ,رآنيا معجبون بهذا

الموضوع الأصلي: مواقفك العشوائية تقول مرحبًا، اسئلة خفيفة لكم || الكاتب: منظم الفعاليات || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

l,hrt; hgua,hzdm jr,g lvpfWhK hszgm otdtm g;l l,hrt; hgua,hzdm hszgm fr,g

[رآنيا]

1- هل فعلت يومًا شيئًا محرجًا وقلت بعدها: "يارب محد كان شايفني"؟ 😅
وشو كان؟
-

2- ما أغرب شيء فعلته وأنت نصف نائم/نائمة؟
ماكان نوم
سويت عملية في مستشفى بتركيا واول ما اصحى امد يدي واطلب من اللي قدامي يقرب
انا مدري وقتها مين قدامي ولا كنت شايفة بس لقيتني ماسكة يد الممرض
الظاهر المسلسلات التركية اثرت فيني
الحمدلله ان محد ذكرني فيها ولا احد جاب لي سيرة يوم صحيت

3- إذا جوالك انعرض على الشاشة فجأة…
ما أول تطبيق تتمنى ما يفتح؟
المتاجر لحد يشوف الخرابيط اللي اشتريها واضيع فلوسي فيها

4- هل سبق وأرسلت رسالة لشخص بالغلط؟
وش كانت ردة فعلك ورده؟
ارسلت ع الايميل رسالة لشخص وراحت لشخص ثاني ولا انا دارية الين قالي
انحرجت وقتها حتى ماعرفت كيف ارقّعها ولحد الان احاول اعرف كيف صار كذا والاسماء مختلفة

5- تتوقع الناس يحبونك ، ولا يهربون منك؟ ولماذا؟
انا اهرب منهم، ما احب التواصل الكثير

6- هل في موقف صار لك وأنت صغير، للحين ينذكر في العائلة ويضحكون عليك؟!
-

7- ما أغرب إشاعة أو تفسير سمعته عنك… وانصدمت منه؟
اني سورية وعندي احفاد واشتغل أسر منتجة

8- هل قد كذبت كذبة صغيرة جدًا، بس كبرت عليك وما عرفت تتراجع عنها؟
-

9- هل صار لك موقف سويت فيه إنك نايم عشان تهرب من شي؟ وش كان؟
وانا صغيرة لما حبست خالتي في الغرفة ورحت اسوي نفسي نايمة كنه الجني اللي حبسها

10- مرّ عليك يوم تصرّفت فيه وكأنك في فيلم درامي؟
تصرف مبالغ فيه؟ وش اللي خلاك تعيش الدور؟
الله يسامحني كلما سمعت موسيقى عشت جو الفقد الدرامي ورحت كتبت خاطرة تسبّب اكتئاب واضطراب نفسي للي يقراها


اختار من بعدي @احساس غريب;

~

شـ♞♜♕ـطرنـج ,احساس غريب معجبون بهذا

[‏احساس غريب]

تمام برجع اجاوب على الاسئلة قريب ان شاء الله تعالى
مع انو هذة اسرار دولة اقصد بيوت اقصد اسرار حضرتنا مايصير تنكشف
الله يسامحك يا مديرتنا تدورون علوم من وراي بس من الان نتفق
اي شيء يطلع هنا يصير مشفر انا مالي خلق تنكشف اسرار ي و يستفيد منها
المافيات و العصابات يستغلوني <<كاني عشت جو بزيادة هههه
سوي انتظار انا لاني شويات مشغولة مسئوليات كثير على انا خبركم
الدولة متراميت الاطراف و انا مشغولة في حل مشاكل شعبي الموقر خخخخخخخ
اتكلم عن دولتي اللي بمخ مال انا انتم مالكم دخل

شـ♞♜♕ـطرنـج ,رآنيا معجبون بهذا

[‏احساس غريب]

انا جيت حياني ربي ما عليه سحبت عليكم امس بس جاوبت اليوم <<طيب ايش نسويلك
ويعطيك العافية منظم الفعاليات و اعتذر على التأخير لك و لمديرتنا و هذا انا جيت اعلمكم
و اجاوب بس لو سمحتو اسرار الدولة لا تتناقلونها كثير ياويلكم هع

1- هل فعلت يومًا شيئًا محرجًا وقلت بعدها: "يارب محد كان شايفني"؟ 😅
وشو كان؟
تبون الصراحة انا قاعدة اجاوب على الاسئلة من الاخير الى الاول علشان كذة
الاشياء المحرجة بتلقونها تحت بس مو انو يارب محد كان شايفني
يارب ما صارت من الاساس هههه و الا موقف كذة بين الناس مافي صراحة

2- ما أغرب شيء فعلته وأنت نصف نائم/نائمة؟
مافي شي صراحة

3- إذا جوالك انعرض على الشاشة فجأة…
ما أول تطبيق تتمنى ما يفتح؟

انا صراحة مو كثير مع الجوال و التطبيقات
فـ عادي خليهم يعرضون اللي يعرضون ما عندي مشكلة
اساس انا حتى جوالي من غير رمز مفتوح و مرمي على الطاولة بالغرفة

4- هل سبق وأرسلت رسالة لشخص بالغلط؟
وش كانت ردة فعلك ورده؟

مرة وحدة بحياتي كانت لـ واحد بالسناب
ههههههه كنت افكره اختي لانو الاسم نفس دلعي لاختي هههه
كنت ارسل لها يابنت يابنت ابي شغله منها
و هي ما ترد علي و اكلمها بالواتساب و ماترد علي
و اروح اسوي شغلتي و انا معصبه
لما جاءت قلت لها اكلمك و ما تردين علي
قالت ما كلمتيني قلت لها الا كلمتك في السناب و الوتساب تروح تفتح جوالها
قالت ايه كلمتيني في الواتساب بس و تو اشوفه و السناب لا ايش تبين قلت لها خلاص ما ابي شيء
كان هذة العصريات و بعد صلاة المغرب اشوف تجيني رسالة في السناب يقول انا مو بنت
و انا للان افكر اختي بعدين ركزت الا اشوف انو ذا مو هي
و ياويلي انحرج و تضيع علومي و شذا الفشلة زين اني ما كتبت شيء ثاني ههههه
طبعاً انا ما رديت عليه سكرت الرساله و لا بعد قعدت بيني و بين نفسي
اتحلطم عليه اقول دامك مو بنت ليه ترد علي و في نفس الوقت
اقول ذا فاضي شكله علشان يرد علي و اروح اغير اسم اختي
و اروح ادخل المطبخ عند اختي و وجهي احمر
و حالتي حاله زين انها ما انتبهت لي و الا انا وجهي و ملامحي تفضحني بقوة
و ليومكم ذا ما علمتها بالسالفة و حتى ذاك حذفته مرة وحده

5- تتوقع الناس يحبونك ، ولا يهربون منك؟ ولماذا؟
هم يحبوني صراحة لكن انا من النوع اللي ما احب احتك مع ناس كثير
بحياتي الشخصية حتى لما كنت بالمدرسة ناس كثير يجون يحاولون يتقربون مني
لكني ما اهتم صراحة علشان كذة يخيب املهم و يتركوني و يمكن لاني ماني اجتماعية
و خجوله فما احب اكون علاقة مع احد او احد يتعلق فيني و كذة

6- هل في موقف صار لك وأنت صغير، للحين ينذكر في العائلة ويضحكون عليك؟!

في موقف واحد و للحين لما اذكره احس بخجل وذنب اني كيف سويت كذة
و ربي يسامحني علية هو الموقف مو مضحك مخجل بس اللي صار بعدين يضحك
لما كنت صغيرة بيوم من الايام كنت العب عند باب البيت مع اخواني
عادي و بكل هدوء ما اعرف من من اخواني قالي شفتي بيت فلانة جارتنا
روحي دقي عليها الباب و ناديها بأسمها و تعالي ركض
فـ انا الخبلة الله يسامحني طاوعته ورحت سويت كذة ورجعت
لكن شكلي عجبتني الرياضة رايحة راجعه لانو لما كنت صغيرة كنت احب
اركض كثير و اختبر سرعتي هههه وزودتها حبتين الى ان
جارتنا الله يرحمه طلعت علي و انا عاد على طول ركض جات جارتنا تهدد
تقول وينها هذة اللي تناديني بأسمي و الله لا اكب عليها ماء حار
انا اسمع كذة و انحش للغرفة عاد هي عند الباب استقبلتها
امي و هي ما تدري ايش السالفة جارتنا علمتها و صارت امي تهديها
الا ان هدت الامور و الحمد لله
للان يوم يذكرون الموقف يضحكون على ردة فعلي و فعل جارتنا
خاصة انها جاءت تهدد بالماي الحار و انا اركض من الخوف
انا لما اذكر الموقف احس بالندم و تأنيب الضمير
لانو هذة مو من تربيتي صراحة و لا عاداتي ابد لكن ربي يسامحني

7- ما أغرب إشاعة أو تفسير سمعته عنك… وانصدمت منه؟
مافي انا ما احتك كثير مع الناس كافه خيري وشري لا يغركم هنا
احارش احياناً لكن بالواقع مافي فـ محدش راح يتكلم عني

8- هل قد كذبت كذبة صغيرة جدًا، بس كبرت عليك وما عرفت تتراجع عنها؟
لا ما حصل ماني من النوع اللي يكذب صريحة

9- هل صار لك موقف سويت فيه إنك نايم عشان تهرب من شي؟ وش كان؟
مافي صراحة موقف نفس كذة

10- مرّ عليك يوم تصرّفت فيه وكأنك في فيلم درامي؟
تصرف مبالغ فيه؟ وش اللي خلاك تعيش الدور؟

يوم كنت صغيرة اهلي ما كانو يهتمون فيني كثير مثل باقي اخواني و خواتي
علشان كذة دايم كنت احس انهم مو اهلي هههههههه
مع انو الشيء ذا مستحيل لانو الدم واضح مثل مايقولون كلنا نشبه بعض
المهم في يوم كان ودي اختبر اهميتي عندهم
طبعاً بيتنا عبارة عن دورين و الثالث سطوح فـ انا صعدت باليل لـ السطوح
و في الظلام من غير ما اشغل الانوار و لا شيء صعدت السطوح و سكرت الباب بعد
وكانو مافي احد من الاساس قلت لنفسي اذا انا مهمه اهلي راح يدوروني
و يخافون علي و من ذا الحكي و قعدت اتأمل السماء و كذة اشم شويات هواء
الا بعد فترة اسمع اختي تناديني صعدت الدور الثاني تدورني ما حصلتني
و انا ما عطيت ردة فعل طبعاً و انزلت شويات و ارجعت تدورني و اصعدت
السطوح و حصلتني جالسه قالت وينك انت ادور عليك يلا قومي تعشي
قلت بنفسي مالت بس تدور علي علشان العشاء مو علشاني
طبعاً قمت و انا ساكته و نزلت معاها و ما كانه صار شيء
و هم و لا كانه صاير شيء بعد
هذا الموقف اللي سويت فيه دراما هذا دراما مع انو مو اول موقف اختبر
فيه اهميتي بس بعدين ما صرت اهتم استسلمت للامر الوقع بلا اهمية بلا بطيخ

و بس خلصنا يعطيك العافية منظم على الاسئلة و تغير الجو
و برضو يعطيك العافية مديرتنا على اختياري و توريطي و استرو على ما وجهتو مو تفضحوني بين العربان
و صح اختار بعدي مستريح البال
احس عنده مواقف كثير انتم سوو له تعال انا نو اعرف

شـ♞♜♕ـطرنـج ,مسترٍيَحٍ آلُبآلُ ,رآنيا معجبون بهذا

[مسترٍيَحٍ آلُبآلُ]

<<< هين يصير خير مالقيتي الا انا

1- هل فعلت يومًا شيئًا محرجًا وقلت بعدها: "يارب محد كان شايفني"؟ 😅
وشو كان؟

حرقت سيارة ابوي وورطت اخوي الكبير واعترفت بالحقيقة بعد 6 سنوات ههههه اكلت طق ما ياكله كافر من كفار قريش خخخخخخخ


2- ما أغرب شيء فعلته وأنت نصف نائم/نائمة؟

عندي اضطرابات في النوم من عمر 11 سنه امشي وانا نايم خخخخ <<< ملبوس خخخخ
بس راحت الحمد لله

3- إذا جوالك انعرض على الشاشة فجأة…
بلو ستور - او السناب - تيك توك -شاهد

4- هل سبق وأرسلت رسالة لشخص بالغلط؟

اتذكر مرة ارسلت لاخوي رسالة مادريت ان زوجته بتمسك الجوال
قلت هلا تمومي << دلع تميم خخخخ وحشتني يامز استهبل مادري وش صار بعدها
بس قمت لقيته نايم بالصالة عندنا خخخخخخخ

5- تتوقع الناس يحبونك ، ولا يهربون منك؟ ولماذا؟

50-50 هيك وهيك اللي يحبوني ربع الكورة والمباريات اللي يهربون ملاقيف سامعين عني سوالف لكن بالطقاق ماهتميت مريح بالي


6- هل في موقف صار لك وأنت صغير، للحين ينذكر في العائلة ويضحكون عليك؟!

كثير والله بس اكثر شي يوم كنه بكشتة برية عائلية وجلست على الجمر ههههه جلست اسبوعين انام واقف <<< حشا خيل خخخخخخخخ

7- ما أغرب إشاعة أو تفسير سمعته عنك… وانصدمت منه؟

نسونجي حسبي الله رغم كل اللي اعرفهم بحياتي 55 بنت بس خخخخخخ

8- هل قد كذبت كذبة صغيرة جدًا، بس كبرت عليك وما عرفت تتراجع عنها؟
ماعترف انا بالكذب الصغير كل كذباتي صواريخ ارض جو

9- هل صار لك موقف سويت فيه إنك نايم عشان تهرب من شي؟ وش كان؟
كثير بس احتفظ بالاسباب لنفسي

10- مرّ عليك يوم تصرّفت فيه وكأنك في فيلم درامي؟

لا سافرت مغامراتي كثير فلم اكشن ينتهي بقسم الشرطة احيانا خخخخخ

تصرف مبالغ فيه؟ وش اللي خلاك تعيش الدور؟

مايحضرني شي الحين


شكرا للاختيار << ودي اذبحهااا يابشششر احساس قاقاقاقاريب مو مكفي لونها


ممممممممممممم اختار @رِقة أُنثى

شـ♞♜♕ـطرنـج ,احساس غريب ,رآنيا معجبون بهذا

[شـ♞♜♕ـطرنـج]

اهلين وسهلين بمايستروا
منظم الفعاليات

آخر ضيفة رقة أنثى
نحجز لها مكان بمقدمة
على الشرفة العالية

ونجدد الموضوع
بمكان
والتحايا لكل الحضور

الذكريات ممتلئه
وكثير مواقف على خط
الوقت والتاريخ
هل تكفي المحابر
على روزنامة الايام
بطبع لا
ولكن نمشي مع مسار أسألة المايستروا

1- هل فعلت يومًا شيئًا محرجًا وقلت بعدها: "يارب محد كان شايفني"؟ 😅 وشو كان؟

( كان عمري 12 سنة لما سرقت السيارة وكان مدرس الرياضيات
ساكن بنفس حارتنا وبصدفة شفتوا بشارع عم بيحكي
مع واحد ثاني المهم أنا حاقد عليه لأن اسلوبوا ساذج
فتخيلتوا ابو للهب ودعست بنزين اقوى ما عندي
كنت بدي ادعسوا وصار يركض مثل النسناس
وأنا الحق وراه بسيارة وهو يركض
وأنا الحق وراه وهو يشد وأنا اشد
حتى تعديتوا وهو يعرف بيتنا فأشتكى لأبي
وأنا أكلت هوى في يوم السعد)


2- ما أغرب شيء فعلته وأنت نصف نائم/نائمة؟

( أبي ما خلاني افوت على البيت لأنوا
كنت سهران برا والوقت متأخر تقريبا على 3 الفجر
ورحت نمت بسيارة المقعد الثاني
والصباح كان أبي بدوا يطلع على الشغل ولما
ركب السيارة فكرني حرامي لأني كنت
حاط قبعة شتويه على وجهي
ولما شافني اكلت قتله مثل تحيات الصباح)

3- إذا جوالك انعرض على الشاشة فجأة…
ما أول تطبيق تتمنى ما يفتح؟

( دفتر الملاحظات العالم الصغير
لأني كاتب فيه
مخططات سرية وحاط له رقم سري فرعوني
على يوناني وهكذا )

4- هل سبق وأرسلت رسالة لشخص بالغلط؟
وش كانت ردة فعلك ورده؟


( لا مو بغلط
اتذكر صار خلاف بيني وبين أبي
واعمامي
وأنا كنت صح لأنوا ما بحب حدا
يتدخل بشؤون العيلة الكبيرة
فقررت اهجر هالعيلة واسافر بالليلة
مافيها لا ضوء قمر ولا نجوم
كان عمري 18 سنة فسافرت
على سوريا ومن سوريا طلعت على
جنوب افريقيا وقعدت 8 أشهر
خلال هذي الأشهر كان فيه بنت جزائرية
كانت تتواصل مع اهلي وبدها تتجوزني
وأنا ما بدي
أنا هربت منها فوق ما انوا أنا هربان من اهلي
وبعدها رجعت على سوريا )

5- تتوقع الناس يحبونك ، ولا يهربون منك؟ ولماذا؟

( الاجتماعات والجمعات والرسميات
الي فيها قص ولصق وقيل وقال وقالوا
ما بحبها لهيك أنا ما بحب اكون فيها نهائيا
غير هذا التلفزيون سيئ السمعة
والراديوا عنده طموح بصير قمر صناعي )

6- هل في موقف صار لك وأنت صغير، للحين ينذكر في العائلة ويضحكون عليك؟!


( كنت بأبتدائي ونجحت لصف الرابع
من الفرحة العامرة وأنا بشارع مسكت حجرة وطيرتها
فوق وونزلت وووووووووون فوق راس واحد
واشتكى لأبي واكلت قتله بعد ظهر ذاك اليوم
بتوقيت قارة آسيا أتذكرها بزبط لأنوا ما تغديت
كنت زعلان )

7- ما أغرب إشاعة أو تفسير سمعته عنك… وانصدمت منه؟

( مافي لأني بعيد عن كاميرات التصوير
والقنوات الإخبارية )


8- هل قد كذبت كذبة صغيرة جدًا، بس كبرت عليك وما عرفت تتراجع عنها؟

( لا مافي
بس مرة أبي بهدلني مفكرني كنت سهران
وأنا كنت فعلا بصلاة الفجر بمسجد
كان هجوم مفاجئ وعفوي وغير مرصود
من أبراج المراقبة)

9- هل صار لك موقف سويت فيه إنك نايم عشان تهرب من شي؟ وش كان؟

( لا لأني من وأنا زغير احب اعتمد
على حالي
وتربت هذي الصفة فيني واخذت
من شخصيتي كلها )

10- مرّ عليك يوم تصرّفت فيه وكأنك في فيلم درامي؟
تصرف مبالغ فيه؟ وش اللي خلاك تعيش الدور؟

( لا مافي
بس اتذكر مرة بثاني ابتدائي كنت ضمن فريق
كرة القدم المدرسي
وطول الشوط الاول ما سجلت ولا هدف
المهم واجت فرصة وشووووت وطلعت الكورة
على سطوح الجيران بدال ما تفوت الهدف
ونزل صاحب البيت واشتكى على المدسة
والمدير ههههههه)


الاختيار الي يحب يشارك