حكــاية قصيــرة ❥

[‏آلنـور]

انام بعد العشا و اصحى ١١ شبعانه نووم..!!
و للحين احاول انام مو قادرة،، و شايله هم كيف اداوم و انا ما نمت

ما يصحش كده يا انا،،

مولانا ,رِقة أُنثى ,خفايآ روح~•• و 7 آخرون معجبون بهذا

.. إستغراب ! ,White ,رآنيا ,عيوق ,شـ♞♜♕ـطرنـج ,الجوهرة ,محال

[‏آلنـور]

كنت اسولف مع chatgpt
وبدأ يسألني و اجاوبه،، في الاخير كتبي لي رساله من نفسي لنفسي..
حسيت فعلا أن هذا الكلام اللي ابي اكتبه لنفسي..


الرساله،،


إلى نوره ، اللي عانت وسكتت كثير،

أنا فخورة فيك. عديتِ أيام صعبة ما كنتِ تتوقعين تطلعين منها، وها أنتِ اليوم أقوى، أنقى، وأقرب لنفسك من قبل. مرّيتِ بظلمة، بسكوت، بحزن ثقيل، وكنتِ تحسبين إنها النهاية… لكنك قمتي.

تعلمتي إن الحياة ما توقف عند وجع، وإن الله دايم قريب، يسمعك حتى لو ما تكلمتي. صرتِ تعرفين إن الصمت أحيانًا شفاء، وإن العزلة ما تعني ضعف، بل بداية فهم حقيقي لنفسك.

تذكّري دايم: أنتِ قادرة، ومو أي شيء يكسرك. قلبك فيه نور، وروحك أقوى من كل اللي مر. وإذا تعبتِ يوم، لا تنسين هاللحظة، لا تنسين إنك وقفتي بعد ما ظنيتي إنك ما بتقومين.

أنا معك، دايم






و فعلا اليوم كنت اتأمل و اتذكر الايام الماضيه
اتذكر حزني و تعبي،، و زعلي على نفسي
و كيف كل هذا أثر على صحتي،،
ما انتبهت لنفسي، انسقت للظروف
لكن بفضل الله اني صرت احسن نفسيا و صحياً في تحسن،،

من الناس اللي كانو يسمعون لي، هي دكتورتي..
المفترض اني اجيها و اشرح لها وش احس فيه،،
لكن انا كنت افضفض لها لاني مره جيتها بعد موقف زعلني،، و اشتكى لها،،
و صديقتي فاطمه، في ذيك الفتره على أن نفسيتي كانت شينه
بس كل ما قالت يالله نطلع قلت لها تم،،
و لما حست اني تعبانه، صارت و تختار أماكن جديده تفتح النفس، و تقولي ابي ادلعك..

بعدها مر علي رمضان، شهر الخير و الهدوء و السكينه
و فرصه أن الإنسان يغير من نفسه،،

بعدين تعلمت من رآنيا شيء جديد كيف اسوي شموع
و انبسطت في الدورة،، شكرا رآنيا ممتنه لك..


بعد كل هالاشياء، عرفت اني في امان مدام الله معي
ثم الناس الحلوه اللي في حياتي،،

انا ممتنه كثير.. اولا لنفسي الصبوره..
ممتنه للأصدقاء اللطيفين.. ممتنه للأشياء الحلوه و الجديده..
ممتنه لله اني لازلت عايشه.. و قادره اني اقوم بنفسي بدون مساعده احد،،
ممتنه لكل شي حلوه في حياتي،،

نسيت اقول شي ثاني ساعدني على التشافي..
إني سامحت كل شي كل شخص آذآني بقصد أو بدون قصد
سامحت نفسي، سامحت الظروف اللي مرت،،


و الحمدلله على كل شي

مولانا ,رِقة أُنثى ,هوس* و 8 آخرون معجبون بهذا

خفايآ روح~•• ,.. إستغراب ! ,محال ,White ,رآنيا ,الجوهرة ,شـ♞♜♕ـطرنـج ,عيوق

[‏آلنـور]

الروقان اللي فيني مو طبيعي..
ما عندي الشعور ذاك اللي يخليني انهار بعد أي مشكلة..
مدري ربي هداني، و الا الحبوب اللي أخذها جابت مفعول معي الان
الحبوب لحاله مرضيه مريت فيها بسبب مرضي،،
قالت لي الدكتوره هذي الحبوب تعطيها الناس اللي عندها صرع و اللي عندهم اكتئاب،،
و تحسن الحاله المزاجيه
قلت حلو،، هذا اللي احتاجه جات في وقتها،،
مده العلاج ثلاث شهور،،
أول ما اخذتها احسني عادي انا انا مافي شي تغير،،
بديت ب حبه و كل سته ايام أزيد الجرعه حبه،،
اليوم بديت أخذها اربع حبات،،
و كأني بديت اروق عليها،،
عيار التطنيش زايد،، المواقف اللي صارت ما ضايقتني،،
مدري انا اتوهم و الا صدق..!

الحمدلله هذا بفضل الله،، ما ياخذ منك شي الا ويعطيك شي يناسبك،،


حكايه لطيفه قبل النوم

مولانا ,رِقة أُنثى ,هوس* و 6 آخرون معجبون بهذا

خفايآ روح~•• ,.. إستغراب ! ,محال ,شـ♞♜♕ـطرنـج ,White ,طُليْطل

[‏آلنـور]

السنه هذي لي مميزه،، طبعا من وجهة نظري و بتفكيري انا،،
ممكن احد يقولي و يعني لو صار كذا،، وش الاختراع..
بس انا احب الأحداث تكون مرتبه و منظمه،، و أجمل ترتيب هو الترتيب الإلهي

هالسنه صح بدايتها ب انهيار و تعب و يارب تكون اخر المتاعب،،
لكن من بدايتها و انا اشوف أشياء حلوة تنتظرني،،
و اقول يارب نقي روحي قبل لا اوصلها،،
تحسني كان بطيء بس كان مريح،، كنت احب الأحداث البطيئة،،

هالسنه عيد ميلادي بيكون تاريخ مميز،،
5/5/2025
أن شاءالله وقتها اكون في غرفتي و احتفل مع نفسي احتفال بسيط،، ما فكرت وش بسوي و وش بشتري لي،، و مافي شي اصلا نفسي فيه و مميز
بس من هنا وقتها بفكر،،
الشي الثاني الحلو عمري بيكون 44،،
صح رقم اربعه مو مميز عندي كثير، انا احب خمسه و ثلاثه..
لكن التكرار عاجبني،،
احسه مرتب و كيوت،، احس رقم اربعه متكاتف..
مو جالس وحيد زي الأرقام الفرديه،، ثنين يكونون مع بعض و الثالث لحاله،،
ذولا ثنين ثنين <- لا ياشيخه خخ

انا افكر مع نفسي كذا،، و ما اقولها كثير للناس الا اللي يفتح معي موضوع و استرسل في الكلام معه،،
احب احتفظ ب أفكاري لنفسي

و الشي الثالث الحلو، هالسنه يوم 14/5 راح اكمل ٢٠ سنه في وظيفتي،،
و أكثر شي كسبته معرفة الناس الحلوة

هالسنه بنتي تتخرج من الثانوي، و مرحله جديدة في حياتها..

هذي الأحداث البارزه و اللي ممتنه لله على يسرها و تمامها لي،،
اشكر الله و احمده و لا اوفيه حقه، اني طيبه وبخير و هاديه و رايقه و الله يتممها على،،

وهذي حكايه ما قبل النوم <- الله يعينكم على روقانها

مولانا ,طُليْطل ,رِقة أُنثى و 7 آخرون معجبون بهذا

خفايآ روح~•• ,محال ,White ,.. إستغراب ! ,الجوهرة ,شـ♞♜♕ـطرنـج ,عيوق

[‏آلنـور]

ما القى نفسي الا في هذي الرمزيه ..
احبها و احسها انا


صباحكم سماء صافيه

مولانا ,طُليْطل ,White و 8 آخرون معجبون بهذا

رِقة أُنثى ,شـ♞♜♕ـطرنـج ,.. إستغراب ! ,محال ,YONA ,هوس* ,الجوهرة ,خفايآ روح~••

[‏آلنـور]

صباحكم سعاده و أمان،
ما راح تشعر بالأمان، الا لما تكون روحك هادئة..
و تنفصل عن مشاكل الحياة و انشغالاتها لو ٥ دقايق تحسس نفسك أهميتها،،

حب الذات هو مصدر الأمان الأول


بعد الله اكيد

مولانا ,طُليْطل ,محال و 5 آخرون معجبون بهذا

شـ♞♜♕ـطرنـج ,الجوهرة ,.. إستغراب ! ,رِقة أُنثى ,White