حكــاية قصيــرة ❥

[‏آلنـور]

اكتب لكم الان و انا توي طالعه من البيت للدوام ..
الايام هذي دوامي يبعد عن البيت ربع ساعه ..
من زمان ما جربت هذا الشعور .. قرب الدوام من البيت ..

هذا صار بعد ايام كانت صعبه جدا ..
عوضني الله بهذي الراحه .. الحمدلله و الشكر له ..


هذا يعلمنا ان ما بعد الضيق الا الفرج


صباحكم خير و سعاده

مولانا ,نبض ,وردة و 2 آخرون معجبون بهذا

شـ♞♜♕ـطرنـج ,محال

[‏آلنـور]

كل عام و انتم بخير ,
و اتمنى لكم كل الخير
و الهدوء و الاطمئنان

يارب امنياتكم السعيده تتجلى امامكم و تنعمون فيها ,,
و يكون رمضان هذا بداية الخير و التوفيق لي و لكم يارب ..


من زمان ودي اجي مدونتي و اكتب فيها ,, بس الافكار عندي مو مرتبه ..
و كأني اتعرف على نفسي من جديد ,, ما اعرف اعبر عن نفسي ..

مريت بفتره صعبة جداً ..
كرهت نفسي و كرهت الناس حولي ,, و من الناس اللي كرهتهم اهلي ,
اكثر شي امي و بنتي ..
و كل الاحداث اللي كانت تصير لي كانت ضدي
كنت اصبر نفسي و ادعي الله كثييير ..
بكيت كثييير و بكيت بانهيار

من الاشياء اللي كنت ملتزمه عليها " سورة البقرة" كنت اقراها يومياً
تقريبا اربعه شهور متواصله ,,
و الحمدلله بفضل الله صرت احسن ,,
صح اني ما رجعت زي اول و نفسية اول .. بس الحمدلله تحسنت ..

يارب انها اخر التعب و الاحزان ,, و يكون رمضان هذا بداية كل شي جميل ..
و انا متفائلة فيه كثييير و ظني بالله كبيييير انها بتتحسن اوضاعي و نفسيتي ..



يارب الامنيات السعيده اللي دعينا الله فينا ,, و الخير الكثير اللي يطمن قلوبنا و يريحنا ..
و سعادة تنسينا كل التعب و اليأس و الالم اللي مرينا فيه ..


و كل عام و انتم بخير

مولانا ,محال ,فُقدان و 5 آخرون معجبون بهذا

نبض ,وردة ,نغـم ! ,شـ♞♜♕ـطرنـج ,زهرآء

[‏آلنـور]

ركني البسيط في غرفتي

مولانا ,محال ,فُقدان و 5 آخرون معجبون بهذا

نبض ,وردة ,نغـم ! ,شـ♞♜♕ـطرنـج ,زهرآء

[‏آلنـور]

احب رمضان و اجواء رمضان ..
اجواء تخليني انشغل بشكل حلو و يغير المزاج ..
انا من طقوسي احب اخذ اجازه اول اسبوع في رمضان ..
احب اريح .. و استعرض مهاراتي في الطبخ ..

الحمدلله على هذي النعمه العظيمه اللي لا تقدر بثمن ..
و مهما شكرنا الله ما نوفيه حقه من الشكر و الامتنان ..

كيف يعطينا شهر في السنه يتضاعف فيها الاجر
و غيرها من الايام المباركه بس رمضان غير ..


و يارب يكون هالرمضان نقله نوعيه في حياتي و نفسيتي ..
يارب اطلع منه بروح ثانيه زي ما تمنيت و اكثر

و نفس امنياتي اتمناها لكم ..
الله يعطينا ما نتمنى و اكثر ..



قلت اجي اسولف شوي .. و ادرب مهارات التدوين اللي من زمان عنها ..
و منها ابدل لبس الشغل <- لبس المطبخ خخ
و نكشخ لنوني حبيبة القلب و الروح .. نوره الصغيرة ..


اقولكم سر ..!

نوره ما تحبني
ليه ما ادري ..
ما تحبني زي ما تحب خواتي ..
بس عادي اهم شي انا احبها

هذا اللي يقولك حب من طرف واحد




و يالله


يسعد مساكم و اوقاتكم

مولانا ,محال ,فُقدان و 4 آخرون معجبون بهذا

نبض ,شـ♞♜♕ـطرنـج ,الجوهرة ,وردة

[‏آلنـور]

ابي ارجع زي ما كنت قبل ٥ سنوات..
تعبت من الغربه
غربة روح لا غربة جسد..

مولانا ,محال ,فُقدان و 2 آخرون معجبون بهذا

نبض ,الجوهرة

[‏آلنـور]

اهلاً .. كيفكم ؟!

جالسه احاول ابعد شعور الغربه عني

اليوم اربعه رمضان ,, و الايام ماشيه بهدوء و سكينه ..
صرت اكتب المهام اللي بسويها قبل ارجع للدوام ,, ابي انتهي من بعض الاشغال ..
صح بالقوة اسويها لكن مو مستعجله اهم شي اسويها ..

الشي الثاني الحلو ,, من امس رجعت البس الساعه و اراقب نومي و دقات قلبي
اراقب خطواتي و نشاطي البدي .. و اللي خلاني اتحمس ارجع للفتره قبل خمس سنوات
اشتريت جوال هواوي .. صح انه مو على قد توقعاتي و لا قد كلام الناس عنه
بس و انا استخدمه يجيني شعور غريب .. احس بالانتماء له
كل اهلي مستغربين ليه انا احب اجهزة هواوي بهذا الشكل ..
و حتى انا مستغربه بس الحب اعمى ..

و رجعت اربط ساعتي و الميزان على جوالي .. احس ان فيه احد منتبه لي خخخ
شعور ان فيه احد ينتبه لك شعور مرره حلو ,
و هذا اللي لقيته عند هواوي <- المفروض تعطيك الشركه نسبه خخخ



الشي الثالث اللي سويته ,, رجعت لبست اسوارتي "حب "
من ازمتي النفسيه نزلت الاسواره حسيت رابطتها في حلقي و تخنقني
و حذفت قناتي في التلجرام ,, لان حسيت اني جالسه اكذب على نفسي
على انها ما في شي مهمه فيها لكن كنت امارس طقوس الحب و السلام فيها ..
ما ادري ارجعها و الا لا .. ممكن لو فيه محتوى يستاهل رجعتها ..


و فيه اشياء ثانيه جالسه اسويها على مهلي ,, ما اقدر اقولها لاني مو واثقه اني راح استمر..
بس الود ودي استمر فيها .. و الله يكتب لي الخير ,,

و حبيت اني جالسه ادون , و كأني اكلم نفسي .. و ارتب نفسي بالتدوين ..


و بس ,,


نوني اللي ما تحبني بنسرقها اليوم من امها و ابوها ..
بحاول انها تحبني الله يزينها ان شاءالله

و عندي طبخه ابي اسويها ..
امس ما طبخت كان استراحه

مولانا ,محال ,فُقدان و 3 آخرون معجبون بهذا

شـ♞♜♕ـطرنـج ,الجوهرة ,نبض