اكتب بيت شعر على اخر حرف قصيده الى قبلك

[علي]

مادام جرح المفارق بالحشا مزمن
ليلة رحيلك تجمل واسجن اهاتك

ترى الجروح الخوافي ضاميه واضمن
خذني وامانه تجي ياقلت لك هاتك

وان بيّن الهم دور له معك مكمن
دسّه عن عيونهم بابعد مدساتك

اقسى من الفقد انك تفقد الاظمن
وزين البدايات ماجمّل نهاياتك

- رضا الرويلي

[رميزان]

كل مااقبـل ظلام الليل قـمّت اتهــرّب
ودّي اغيب لين الفجـر يبدي شعاعه
من سبايب هموم ٍ فالضمايـر تسرّب
نومتي بالكثير ان طولت ربع سااعه

[علي]

هقوات الأحلام شرهتها على ظنّي
وسقف الطموحات يا وجدي لبانيها

ما عاد يشحنّي .. اللي كان يشحنّي
سمحت من قاصي شفوفي و دانيها

- راعي الاوله

[رميزان]

الشعـرحكمة وإرتبـاكة وتصويــر
يغنيك صوته عن جميـع الغنـاوي
مــرآت أحسّه ماء إن جـآز تعبير
ومـرآت أحسّه داء لكن يــــدآوي !!

[علي]

ياقبول الله على الشعر لا جاله قبول
القبول نهاية احزان وبداية فرج

نختفي ونعود من دور حول لدور حول
وان توليناه ماجاك يظلع وايعرج

فيه شعر يستلبونه أصحاب العقول
وفيه شعر فيه من سالفة ( شر وخرج )

بس بعض الوقت ماعاد ندري وش نقول
والله إن بعض التواجد يحطك في حرج

- سلطان بن عباس

[علي]

جفيّا الرفيق اشد من طعنة السكين
اليا مكّنوا بين السراجيف مضربها

لكن الزمن غيّر معالم صلاح الدين
ونزّل زعامات الدول من منصابها

- سلطان الهاجري