• أكتب بيت شعر عـلى ذوقك •❥

[‏متأمل]

ً
ً

" ما كل من يركب على الخيل خيال
ولا كلّ خيل تعجبك هي اصيله

ولا كلّ من يعجبك هرجه برجال
بعض العرب ملسون وايده بخيله

الكل يلبس ثوب وشماغ وعقال
وعند اللزوم أفعالهم هي قليله

الرجل تثبت له أقاويل بأفعال
لا قال شي ونفذه هو دليله

والرجل لا شفته مع القيل والقال
ابعد عنه هذا صفاته عليله "



ِ

[رميزان]

اودعك يا بدر ظهر له زمان وغاب
اودعك يوم ابعدت نورك عن الديره
اودعك يا بدر سرى والهوى ماطاب
عليه العيون الدمع جرح معابيره
اودعك لاجل الحب مع نورك الجذاب
هويته وحبيته ولا شاقني غيره

متأمل معجب بهذا

[علي]

انا ليا هب النسيم الرهيّف
قامت تغانمني جداد التماثيل

اطرب لها مثل الكريم المضيّف
اللي مقابس ناره من اول الليل

احيان مع طرد السراب اتكيّف
واحيان اقود السيل لمدوّر السيل

على كثر ما شفت صدق وتزيّف
من الليالي في الرخا والغرابيل

ما فيه اشرّ من الرفيق الضعيّف
اللي يصلّونه عليك الرياجيل

- ناصر بن مناحي

[‏نايف]

خذاني خياله بين قمرا وشبة ضو
‏وسرى بي مثل مسرى الهبوب الشمالية

[رميزان]

إليا كسرت الغصن لاعاد تسقيه
ماعاد يــ نبت .. لو تـرده محله !

[علي]

ما جاء فراقك غير فـ نهاية آذار؟
ليته تأخر يوم .. ويصير كذبة

- محمد فليّان