حكــاية قصيــرة ❥

[‏آلنـور]

صباحكم خير و راحة بال ..

ودي اكتب لكم حكمه الصباح ،
بس مخي فاضي

محال ,ابن الهيثم ,راما و 8 آخرون معجبون بهذا

أُنثى حآلِمة ,متأمل ,عيوق ,همس الجواهر ,سعود . ,White ,نايف ,شذى الهلالية

[‏آلنـور]

كنت بسوي لكم لعبه ،،
بس تهاوشت مع ناس و قفلت اخلاقي شوي خخ


بكرة ان شاءالله

محال ,ابن الهيثم ,راما و 8 آخرون معجبون بهذا

أُنثى حآلِمة ,متأمل ,عيوق ,همس الجواهر ,سعود . ,شذى الهلالية ,White ,نايف

[‏آلنـور]

{وَيَنصُرَكَ اللَّهُ نَصْرًا عَزِيزًا}
[سورة الفتح: 3]

ايه استوقفتني اليوم ..
و الا انا كل يوم اقرا سورة الفتح الصباح ..
بس ما وقفت عليها زي اليوم ..


عشان اعرف و اتيقن ان النصر يأتي من الله
و لا احد في الحياة بيوقف معك و ينصرك غير الله ..

لذلك انا اسلم امري لله و اتوكل عليه ،،
و احارب و الله بيكون معي ،،


الله ينصرني

محال ,ابن الهيثم ,راما و 8 آخرون معجبون بهذا

أُنثى حآلِمة ,نايف ,متأمل ,عيوق ,همس الجواهر ,سعود . ,شذى الهلالية ,White

[‏آلنـور]

شكرا من القلب لتفاعلكم مع العابي البسيطه ..
سويتها عشان اغير جوي و اشاركم شي من طقوسي ،،
و طبطبتكم و مشاركتكم تعني لي الكثير ،،


انا اسويها في عز الضغط ،و المشاكل و الهواش
بس باقي مضاربه و شد شعور عشان تكمل ،،
و لاني صرت انسانه ما اتحمل و لساني طويل
لازم ارد و ما اسكت ،،

بس العجيب اني فجأه اقلب طيبه و لطيفه


عندي انفصام في الشخصيه و بايعتها شوي ،،

محال ,ابن الهيثم ,راما و 7 آخرون معجبون بهذا

أُنثى حآلِمة ,نايف ,شذى الهلالية ,متأمل ,عيوق ,White ,همس الجواهر

[‏آلنـور]

تحمل في صدرك الكثيير , و لا تبوح
تحزن , و لا تعاتب , تشقى و لا تتذمر
تعيش بصدر رحب , متقبل , راضي
تبحث عن الامان و لا تجده الا في معية الله


صباحكم امان , و لطف من الله

محال ,شذى الهلالية ,ابن الهيثم و 4 آخرون معجبون بهذا

راما ,متأمل ,أُنثى حآلِمة ,نايف

[‏آلنـور]

انا متهاوشه مع وحده من الموظفات عندي ,,
اصلا العلاقه بيني و بينها متوتره من 2019 ,, قد اشتغلت معها في احد الفروع
المهم صارت عندي في الفرع لها فتره طويله ..
و كنا نحاول نتقبل بعض .. نلطف اجواء بعض ..
على ان شخصيتها ما تناسبني تماما ,, و لا هو موضوع حديثي الان ..

المهم في اليومين اللي راحت قبعت بيني و بينها
الظاهر اني ما عاد اتحمل اني اسكت و اسلك زي اول
قلت اللي عندي و قالت اللي عندها ..
و كل مشاكلنا ترا تقييم و عن الشغل ..
ابدا ما بيننا شي شخصي الحمدلله ..
هي كبرت الموضوع و اشتكتني لمديرة المنطقه و لمديرتي ,, و انا ساكته ,,
مااحب حركات المبزرة اروح و اشتكي

يوم الخميس الوضع هادي بيني و بينها و نسولف عادي ببرود ,,
قلت يا نوره انتي الكبيره العاقله و سلكت المواضبع , على ان الفرق بيني و بينها 7 سنوات بالعمر .. يعني كلنا عاقلين و كبار ..


السالفه مو هنا ..

السالفه اني حلمت حلم اليوم و كان مشترك بيني و بينها
حلمت اني ماخذه اجازه و كان عندي مشاوير
و بعدين جاني خبر ان انا و هي فايزين ب اعلى تقييم في المنطقه ..
ارجع الفرع ابي اقرا الايميل .. بس رجعت لفرع ثاني مو فرعي !!
انا قالو لي الخبر و ماكنت مبسوطه مره اقول في نفسي الحين تمن علي و تقول انا السبب في ان تقييمك عالي ..
في الحلم شفت مديرتي و وحده من البنات اللي هم اعز صديقاتي
و هي ما شفتها ..

صحيت من النوم و اقول الله لا يحطني في شي مشترك معها ..
الله يستر عليها هي شاطره بس ما يناسبني شغلها , و لا عقليتها ..

يهمني في الشغل الاحترام بالدرجه الاولى ..


و بس طرا لي احكيكم الحلم


احلامي كثيره هاليومين
و بعضها مو حلو و احتفظ فيه لنفسي

محال ,شذى الهلالية ,ابن الهيثم و 3 آخرون معجبون بهذا

راما ,متأمل ,أُنثى حآلِمة