أحبك ..

[‏*** سُهيل ***]

أحبك ..

ألا يا غالية ليت العمر ما بيننا ينعاد
ونبداْ ايام عشرتنا الجميلة من بدايتها


كذا صدفة تلاقينا بلا توقيت أو ميعاد
يا زين الصُدفة اللي جمَّعت قلبين لحظتها


بدايتنا جميلة كل لحظة تشبه الأعياد
يا زين الدنيا لا جاتك وعشت بوسط جنتها


جميل إن الغلا يبقى ملازم لحظة الميلاد
وتبقى مثل أول يوم تسحرني براءتها


جميلة كل ما فيها لقلبي من الحنان بلاد
تموت هموم هـَ الدنيا إذا طلت بضحكتها


لها رقَّت مشاعرنا لها ركن الغلا يزداد
أنا مصدر سروري يوم تقبل بِابتسامتها


صباحاتي يزيّنها ذِكر اسمك معَ الأوراد
لأنك باختصار أنتِ هَنَا الدنيا وبهجتها


ولو قالوا أعيش العمر لك وحدك على استعداد
مَ بين إيديك تكمل فرحة الدنيا وْسعادتها


خذيني لك مشاعر صادقه في عنفها استبداد
وأبرز ما يمزها عن الباقين ندرتها


خذيني طفلك العاشق عطيني من الحنان أكواد
على قد الحنين اللي بروحي لك ولهفتها


خذيني جنب قلبك مشتهي في حضنك المقعاد
بحضنك يا بعد عمري تلاقي النفس راحتها


أحبك كثر ماتعنيه وما تعطيه من أَبْعَاد
مشاعر ما أظن الناس قبلي يوم حستها


أحبك في اعتقادي قبل لا يُخلق ثمود وعاد
واحبك لين هالدنيا تجي لحظة نهايتها





سُهيل

رآنيا ,نايف ,S o p r a n o و 3 آخرون معجبون بهذا

محال ,أوديت ,شْعُور ..!

الموضوع الأصلي: أحبك .. || الكاتب: *** سُهيل *** || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

Hpf; >> gdj;

[شْعُور ..!]

أحبك في اعتقادي قبل لا يُخلق ثمود وعاد
واحبك لين هالدنيا تجي لحظة نهايتها


هالبيت ذكرني في بيت لي
(انا احبك قبل فرقاك .. انا احبك الى هالحين
انا احبك من اول هذي الدنيا لـ تاليها )




القصيدة مليئة شعور جميل
واحساس صادق
كلمات حُب نابع من القلب
وصلنا احساسك لمن تحب . .

صح احساسك
صح حرفك المختلف

لاعدمنا هذا الابداع المُنفرد
ابدعت وامتعت
وارتوينا من عذب الحرف ..

رآنيا ,*** سُهيل *** ,S o p r a n o و 1 آخرون معجبون بهذا

ذات نقاء

[‏عآزفّ النّآي]

صح لسآنك أخ سُهيل
أبدعت فيمآ كتبت و دوّنه قلمك لنــآ هنـآ
من ابيآت غايـة في الروعــة والجمال
دمت بكل خير،,

*** سُهيل *** معجب بهذا

[رسم]

،.

ما أجمله من حبّ
وأصدقه من إحساس
من روح وفيّه مُخلصه
هُنا تحلو الحياة

أبيات تستقي من عذوبة شعورك
صحّ نبضك أخي
سُهيل
ودام المداد
:rose:

*** سُهيل *** معجب بهذا

[‏زهرآء]

صح لسانك و صح حرفك
سهيل
كلمات ف غاية الجمال
سلمت الانامل :ff1 (37):

*** سُهيل *** معجب بهذا

[محال]

ولو قالوا أعيش العمر لك وحدك على استعداد
مَ بين إيديك تكمل فرحة الدنيا وْسعادتها

سهيل
لو لم تكتب سوا هذا البيت لكفى
قصيدة رائعه وابيات معبّره
وبوح مليء بالحب والجمال
صح لسانك وطاب فالك
ودمت مبدعاً ومتألقاً
تحياتي

*** سُهيل *** معجب بهذا