خايف عليها من الثرى غطاهـا !!

خايف عليها من الثرى غطاهـا !!

خايف عليها من الثرى غطاهـا
و إلا الحصى حافيه أخاف آذاهـا

أكرم عليها بالكفـن يـا مطـوع
بالبيت ضل فراشهـا وغطاهـا

أكرم عليه بالكفـن هـذي أمـي
و شهد عليها في ما عطت يمناها

هذي الضحى واليـل يتحرونهـا
هذي السماء و نجومـه تنعاهـا

هذي السوالـف مثلنـا تبكيهـا
والأرض تنشد عن أثر لخطاهـا

هذي الكبيرة كبر هـذي الدنيـا
هذي العظيمة جل مـن سواهـا

أبكي عليها مـو نهـار و ليلـه
و لا سنه تمشي وعـد قضاهـا

أبكي عليها كثـر مـا شالتنـي
و كثر الحنين إلي اختلط بغناهـا

و كثر الأسامي و كثر من سموها
و كثرالنجوم و كثر من يرعاهـا

أبكي عليها من القهر يـا دنيـا
مـن لـي أنـا عقـب فرقاهـا

من فتحت عينـي و لا خلتنـي
و شوفوا ولدها بالقبـر خلاهـا

هل التراب بوجهـا مـا قصـر
شفتوا ولدها كيف هـو جازاهـا

لو أنهـا مكانـي مـا سوتهـا
لـكـن أعـز عيالهـا سـواهـا

يا دود يا دود شفها ذابله جنبها
أنا ولدهـا و حاضـر وأفداهـا

قطعني هاك إلي تبي من جسمـي
بس الكريمـه لا تجـي بحذاهـا

و وصيك أمانه قل لها تعذرنـي
و تكفى تروح تحب لي ماطاهـا

أبيها تغفر لي مثـل مـا كانـت
كل خمله منهي بطيبهـا ترفاهـا

يالله عساهـا بالنعيـم الخـالـد
و عساها في جنة عدن سكناهـا

يا فضو هذا الكون يا هو خالـي
يا ضيق هذي الدنيا يا مقساهـا

يا مر طعـم فراقهـا يـا مـره
ماني مصـدق أرجـع ومالقاهـا

وشلون أجي غرفتها ما هي فيها
وش عذري لسبحتها ومصلاهـا

وش أقـول أنـا لدولابهـا وشنطتها
واذا سالني مشطها وحنها وعباتهـا

ومي زمزم ومصحفها
والمبخـرهورشـوشـهــا ودواهــــا

الكـل فـي غرفتهـا متفقدهـا
حتى الجدار متفطـر ويرجاهـا

الكـل يبكيهـا مهـو ناسيـهـا
يالله صبرني و شلـون أنساهـا

ياليتهـا مـاراحـت وخلتـنـي
أو وسعت لـي بالقبـر وياهـا

أمَوآج آلشَرقَيهہْ♥ معجب بهذا

الموضوع الأصلي: خايف عليها من الثرى غطاهـا !! || الكاتب: عمر || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

ohdt ugdih lk hgevn y'hiJh !! ohdt ugdih

||~




سـلمت آلآيآدي
ع الجههد الرآئـع والمميز
دمت وآََدم الله عطـآئك
تحيـآتي

سلمت يدينك
وسلم قلبك
الله يعطيك الف عافيه
-

تسلم ياعمر وسلم ذوووقك وروحك

وسلمت يمناك ولاعدمناك والله يحفظك ويرعاك سيدي

مؤلم هو فريق من نحب ولعلنا لا نجد ما نتصبر به فهو وداع بلا لقاء يبقي في القلب جرح لا يندمل
نسأل الله يرحم من فقدنا ويدخلهم الجنة بغيرحساب ولا سابق عذاب

سلمت اخي عمر

~

-




آلله يعطيك آلعافيه ع آلنقل..

مفاهيم الخجل معجب بهذا