نسبة الوعي

نسبة الوعي

ليه يا ليل ما تسري وانا اقول رح عني وراك
شكلك الليله معزم اتجيني ابدون مقدمه

والله انك على كبدي ليا جيتني تسحب خطاك
تمسي الدار رغم انوارها في عيوني مظلمه

والطواري تكهرب من بعضها بكثر الاحتكاك
تحرق اعصاب راعيها وتنخر عظام الجمجمه

همت في واديٍ قام يحداني على درب الهلاك
واديٍ ماهو بوادي حنيفه ولا واد الرمه

تالي الوقت يا قلبي تغيرت مدري وش بلاك
راحتك مالها طاري وصارت عليك محرمه

كن خلف الضلوع حروب فكريه وفوضى حراك
وانت عنصر محايد ما انت واقف مع اي منظمه

الليالي تدور وكل دوره لها عقد اشتراك
والمشاكل بعضها ما تحله بصفقه مبرمه

عزة النفس لو مهيب تغنيك ترفع مستواك
عند رب البشر خيرٍ عظيم وغناه ومكرمه

عان ربي عطا لـ الراك قيمه وعزه بالسواك
لا تهاون بعود الراك والا بعد عود اسلمه

والعرب بين جعلك ما تحيا وحي الله نباك
ما تميزهم الا يوم تذكر صفات مسيلمه

نسبة الوعي لا زادت تراها تبي تبحث خفاك
لا تحسب انها ثروه ومكسب شهايد واوسمه

كل ما زاد عرفك فـ الزمن جاك شكه وارتباك
كن قدمك ملفات اتهام وقضايا محكمه

لو بغيت العلوم تمر عيا يمررها ذكاك
كل كلمه لها تفسير عندك وشرح وترجمه

عادي تجامل الدنيا وتضحك قبل تضحك علاك
بس مهوب عاد تصير بين الرياجيل رخمه

لا تحرا متى يطبخ غداك ومتى ينجض عشاك
كان لـ اهل العزايم ملحمه لـ المقاصب ملحمه

ان تقدمت واجد يمكن الناس ما تلحق مداك
لين تالي تحس انك تعيش بحياةٍ مؤلمه

لو تراجع عشان تعيش مثلك مثل بعض اخوياك
احسن من الحياه لحالك بمرحله متقدمه

رجعوني لـ الايام الخوالي وخلوني هناك
ودي اقضي حياتي بين رمحه وبين المردمه

.

للشاعر عناد الشيباني

راما ,معزوفة معجبون بهذا

الموضوع الأصلي: نسبة الوعي || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

ksfm hg,ud hg,u] ksfm

جميلة اخوي ونقل مميز
دمت بخير

علي معجب بهذا

،.
قصيده جميله
سلمت عليّ
على الذّائقه الممّيزه

علي معجب بهذا

رائعة
الله يقويك ويعطيك العافية ع الطرح الجميل

~