طاح العتب

طاح العتب

طاح العتب .. ما هيـب لحيـة مشاريـه
خل الكـلام .. و حبـل الأعـذار طـوّه

ما راح اقول أشلون .. او كيف .. او ليه ؟
تـرى السـؤال بـدون أجابـه مـشـوّه

العذر مااات .. و مـات همـه و رااعيـه
و الجرح جف .. و جـف غيمـه و نـوّه

صاحبك ضاع الهـرج مـن بيـن أشافيـه
مـا كنّـه اللـي كـان قبلـك .. مـفـوّه

يجمع لـك مِـن الشعـر فاخـر معانيـه
و يمـوت عنـدك قبـل فـيـه ايتـفـوّه

ليـه أنصـدم ؟ و تخـون قلبـي هقاويـه
و يطيح نجمـي .. و أنخـذل فـي علـوّه

أصدق مع الواحـد و احبـه .. و اثاريـه
طـوول الليـالـي معتبـرنـي عــدوّه

لا يـا بعدهـم .. و أول الغيـث تالـيـه
و أنت اتعرف قلبي .. و خيـره و سـوّه

يمكن لو انك قلت غلطـان .. قلـت أيـه
مير البـلا انـك قلـت .. ناقـص مـرّوه

قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه

يصعـب علـى الرجـال يثبـت مباديـه
و ان كانه اثبـت .. كيـف يثبـت سمـوّه

الله يبيحـك عــن خـطـاك و تمـاديـه
و يبيـح قلبـك عـن خـطـاه و غـلـوّه

ما دام حبـك خالطـه شـك .. مـا ابيـه
حب العتب و الشك .. مـا اعيـش جـوّه

ما كنّـي اللـي كـل مـا تلمـس ايديـه
يغمـرك بأحسـاس و حـنـان الأبــوّه

و ما كنـي اللـي كـل مـا مـر طاريـه
ضج الفضـا باسمـه .. و عكـر هـدوّه

يـا مرحبـا بالـجـرح .. و الله يحيـيـه
لا صـار مـن يمنـاك و الجـرح تــوّه

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

الله كتب .. و القـوس فـي كـف باريـه
و اللي تشوفه يا أبيـض الوجـه .. سـوّه
-------

عبد الله ذويبـــان

رآنيا ,♩عـــ الليل ــازف♡ ,لمعة الماسه و 2 آخرون معجبون بهذا

غاردينيا ,أمَوآج آلشَرقَيهہْ♥

الموضوع الأصلي: طاح العتب || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

'hp hgujf

إختيار موفق وكلمآت جميله ..
صح لسآن شآعرها وسلمت على النقل ..
-

عآزفّ النّآي معجب بهذا

بعض الجروح ان صابـت القلـب تنهيـه
و بعض الجروح .. تـزوّد القلـب قـوّه

صح لسان شاعرها المبدع
والف شكر عازف ع النقل الرائع
واهنيك على ذوقك الراقي

كل الود

عآزفّ النّآي معجب بهذا

الله
ابيات جميله
يسلم ذوقك

عآزفّ النّآي معجب بهذا

أنرتم المتصفح ♥

اهنيك ع الذوق
إبداع في الطرح وروعة في الإنتقاء
تحياتي