ماهو بكيفك

ماهو بكيفك

(عطيتني وجهك وانا جيت كلي
محروم والمحروم ما ينعطا وجْه)

بيت يتيم كتبه/ الشاعر سالم صليم القحطاني ولم يقم بإكماله، وفي أحد الأيام التقى بالشاعر القطري محمد بن فطيس المري وسمع هذا البيت منه وأعجب فيه، وعرض عليه التحدي بأن يكمل عليه أبياتاً أخرى وبالفعل نجح بالتحدي لكونه شاعر موهوب ونشرت القصيدة الرائعة.



ماهو بكيفك عقب شيٍ حصلي
من ذوّق المحتاج يصبر الى احرجْه

خليتني من حلو حاليك احلي
واصبحت مدمن حب والقلب روّجْه

بين العروق وصار مافيه " ملي "
الا وله جُرّه تمرّه وتسهَجْه

وذود الغلا في عشب قلبي تفلي
وتراب صدري للمطر منـْك ما احوجْه

يمحل الى صدّيت ويموت يا اللي
صديت عنـّه والله احياه واخرجْه

ولي خاطر ٍ يسألـْك من لي ياخلي؟
غيبتـْك تلعب به وشوفتـْك تبهجْه

ولي عين حالي دمعها لك يهلي
وانْ رحْت راحت مالح الدمع تزعجْه

غالي ولا يحتاج بسّك تغلي
غلاك اخذ قلبي وروّضـْه واسرجْه

ولو قلت ياعيني بصدره تملي
شافت خفوق ٍ حبك الذرْب توّجْه

وماهو على كيفك عقب ما حصلي
من ذوّق المحتاج يصبر الى ازعجْه

(عطيتني وجهك وانا جيت كلي
محروم والمحروم ما ينعطا وجْه)

.

محمد بن فطيس المري

رآنيا ,تُـوتـآا معجبون بهذا

الموضوع الأصلي: ماهو بكيفك || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lhi, f;dt;