مواقف الدنيا

مواقف الدنيا

قصيدة مواقف الدنيا

أسج في دووٍ بعيدٍ لحالي
ونفسي عزيزة لا مهونه ولا ذل

ولا اطرد المقفي ولو كان غالي
وأصد واترك من تنقد ومن زل

هذاك طبع لي من أول وتالي
ثابت على مبداي ولا أتزلزل

وحي دفني حي ماله ومالي
حتى ولو يفرش لي الدرب بالزل

ارخصت للغالين جاهي وحالي
والي يبي رد الجميل يتجمل

ماشلت في صدري من الي يشالي
مهوب أنا الي تزعله ويتزيعل

قدر كبير السن هو راس مالي
ان غاب أو ماغاب ماينتبدل

وقدر صغير السن حسبة عيالي
اوجهه لـِ زل وافرح لـيـَ دل

ومن لاحشمني جعل مهوب فالي
ماهمني عده مثل موقف وزل

والي يقدرني ولو ما عنا لي
قدره على راسي وفعله مجمل

أشيل معروفه وارده بحالي
ما نترك المعروف يكبر ويثقل

انا احمد الي عزني في حلالي
من فيض جوده مانحسب ونبذل

والمجلس الي فيه م ارتاح بالي
أرجي عسى راعيه فيه يتمهل

بعض العرب عنهم ابقصر حبالي
واطوي رشا بيري معاد اتحمل

الي مصبرني سنين وليالي
الي ظلال لي وانا له ذري وظل

مهيب لحية خل صدرك شمالي
صدر الشمالي يعقد الحبل ويحل

النفس لـِ طابت رخص كل غالي
لاعاد تنشدها عن الزود والقل

يشتب في صدري من الهم صالي
هم يتـل القلب من داخلي تل

منزلك ياراسي مع الناس عالي
وكلٍ على جسمه ثيابه تفصل

أخذت من راسي كلام طرا لي
مشاعري تكتب والابيات ترسل

من شال حمله فوق متنه ومالي
زود على ثقله وميله بيثقل

والي يبي له صيت بين الرجالي
يطرق دروب للمراجل توصل

جال العزا … مهوب جالٍ هيالي
لــِ من تعنزتـه عليه يتهتمل

بعض الهموم حمول ثقل الجبالي
وبعض الرجال جروم هرجه خذ وخل

في هالزمن مايرتكي لـِ الثقالي
الا الذي لاقد تعذر ولا مل

مواقف الدنيا مرايـــــا قبالي
وبعض الصور تغني عن مشاهد الكل

وبعض الكلام يسدّ لـِ جا مجالي
وجزل الكلام الي يوفي ولو قل

واٍن شفت لي عدٍ قراح زلالي
آرد على صافي قراحـه وآعل

مناكب الدنيا عراضٍ طوالي
ماضاع منهو يبخص الدرب ويدل

ومآلها لو طوَّلت…للزوالي
والي لها يتعب ويجمع بيرحل

العمر لا تبكيه … روضٍ وسالي
ينبت ويزفر ثم يزهر ويذبل

.

د. عبدالمحسن بن محمد القباني

رآنيا ,معزوفة معجبون بهذا

الموضوع الأصلي: مواقف الدنيا || الكاتب: علي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

l,hrt hg]kdh

قصيدة رائعه جداً صح لسان شاعرهآ
وسلم وسلمة ذآئقة ناقلهآ
أنتظآر القادم المميز
دمت بخير

علي معجب بهذا

قصيدة جميلة
سلمت يداك علي وشكرا لك

علي معجب بهذا

حياكم الله
لاهنتم على المرور
وبارك الله فيكم

نقل رااائع وكل اختياراتك مميزة جدًا
سلمت ويعطيك العافية يارب

~

علي معجب بهذا

	المشاركة الأصلية كتبت بواسطة رآنيا

	نقل رااائع وكل اختياراتك مميزة جدًا سلمت ويعطيك العافية يارب ~

الله يعافيك
تشرفت بمرورك الكريم
شكرًا جزيلاً