مقتطفات مختاره من شعر النساء

مقتطفات مختاره من شعر النساء

تقول الشاعره هلّة

كان انت في دوّ الخلا تحتريني == فانا تراني كل يوم اتمناك

وان كان بالخافي تجر الونيني == ونيني اكثر لعن ابو بطنً اضناك

حبك حرم عن كثرة النوم عيني == ريفي مراعاتك وشفّي بطرياك

لاعاد عرفً صار بينك وبيني == اخاف حبك يوردن حبل الادراك



و الشاعره قرينيه بنت فاضل تتوجد على حبيبها في الاسر

فريّت واشورف الضلعان == فرّيت من بين خلق الله

انشد عن الارجح الدّيقان == هو حيّ والا نهج لله

اللوم كلّه على دغيمان == وحمود ومدغم وعبدالله

خلّوه في ديرة الشجعان == بنحور ربعً لهم غلّه




وهذه الشاعرة الغارقه في بئر الحب

متى عل الله يهبّ الهيف == يومي بعشب الزماليقي

اذا نزلنا ليالي الصيف == يملا النظر شوف عشّيقي

لو يذبحوني هلي بالسيف == حلفت لاسقيه من ريقي

على النقا مبسمي ماشيف == مافتّشوه العشاشيقي

قلته على المزح والتوصيف=تفضاة بالٍ عن الضيقي




* واخرى تقول في رجل عشقته

ماتهرجن كود بعيونك ==اهرج وهرجك على بالي

ان كان اهيلك يعذلونك ==انا ترى السيف يحنى لي

ياليت من جوّد أردونك ==من قبل قصّاف الاّجالي



* و مريفه السليطيه ايضا تتغزل وتفول

ياهذب ودّعني ترى الموت جاني == من مبسمٍ كن العسل بين اشافيه

انا ذبحني واحد من اداني == العفو كيف الخال يذبح بناخيه




وهنا عشيبه بنت دغيم تقول

واخانة القلب ياعمّي = عن لذّة النوم قزّاني

ياعيد لو نقّعوا دمي = مانساك كود انت تنساني




اما عندما تتمنى وضحى لو كانت لحافاً لناقة حبيبها

لولا الحيا ياناس لالحف ذلوله == الحف ذلوله عن ذواري الهبايب

من بعد سجّ البيد جات معلوله == لكنّها مسقاةً السّم رايب

زوله جميل وغير زوله فعوله == لاحلّ باطراف السرايا نهايب

وتزوج شخص ابنة عمه وجميعهم شعراء وحدث خلاف بينهم وطلبت الطلاق منه

فقال لها طيب ولكن حتى يصغر جبل بـــرد فردت عليه بهذه القصيدة

يا بـرد ما تسمّح النية == لعاد أنا وأنت بجهادي

والشوق حطّك وعد ليّه == وأشوفك بالكبر مزدادي



هذه محاورة حدثت بين شاعرة وشاعر ولاحظوا مدى الفطنه

والذكاء الذي كانت المرأة البدويه الاصيله تتميز بها

يقول الشاعر


ياضلع يالّلي من الضلعان حايز لحال == ياضلع ياللي من الضلعان حايز بتيل

ياضلع ابا ارعى الغنم براسك اربع ليال == الناس احالت وانا ياضلع مافيّ احيل


فقالت الشاعره رداً عليه

الضلع ماهو مبنيً بجرفٍ هيال == مانت بعلى الضلع يوم انك وصلته وكيل

الضلع له ناس فيه يصلحون الحلال == ويخلّصون العميل اذا ماانّه قرب العميل

فقال
اليوم انا ابا اعطيك وجهي كريم السبال == في سد وجهي ووجه الله علينا كفيل

ياللي عليك الحلايا من رسوم الغزال == تراي من صوبكم قلبي نحيفً ذليل


فردت عليه قائله

الله عطاكم نهار العيد عقب الهلال == في حضرة الناس يوم ان الخواطر تشيل

مير انحرف رح لأهلك ومن بغى الشيل شال == والبر يلقى اللي يسافر فيه المقيل

الموضوع الأصلي: مقتطفات مختاره من شعر النساء || الكاتب: فتى سامي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

lrj'thj lojhvi lk auv hgkshx lrj'thj