04-10-2024, 05:30 PM
|
#1 | |
|
احساس غريب
احساس غريب السلام عليكم و رحمة ربي و بركاتة كيف الجميع ان شاء المولى بخير و عافية قررت ابني لي بيت في ذا يكون مكان للراحة يوم ارجع من الغربه و الديار البعيدة و ودي القى لي محل ارتاح فيه و انفض ما بجعبتي من اي شيء اقول اللي ودي من معلومات قصص مواقف و ايش ما يطلع معاي بوقتها ان شاء الله يكون بيتي مقبول في حي المدونات و بين السكان المدونيين و ما اكون جاره غثيثة و ثقيلت طينه عليكم بس هذا اللي عندي كـ مقدمه و انا مالي في المقدمات صراحة كنت في ذا احساس غريب و سلامتكم hpshs yvdf |
|
|
|
04-10-2024, 05:46 PM
|
#2 | |
|
رد: احساس غريب
السلام عليكم و رحمة الله و بركاته بما انو اليوم عيد << حلفي و الله هههههههه كويس علمتينه ما كنا ندري صراحة شكراً على المعلومة العفو حق و واجب ما سوينا شيء في الخدمة هع المهم عيد مال انتم سعيد و اخوه مبارك و عسى عليكم يتبارك الله الله هع شوفو انتم عادي اقول لكم عيدكم مبارك و من الكلام ذا لكن اللي عندي بقول لهم هات شو او كح كح كح يا عمي الناس تعيد و انا ارد عليهم كح و اتشي اتشو هههههه ايش نسوي يعني الزكام و ما يفعل اللي مزكم بذا العيديه يصف جنبي بس نفهم على بعض المشكلة انو على اني معتزله و مبتعده عن الجميع بذا اليوم الا انو جايييييين عندي علشان يعايدون علي و لو يزكمون بعديين كله منك ما جيت قلت لكم تعالو ترى انتم اللي جيتو لعندي كالعادة على العموم كاني قرقرت كثير استرو على ما وجهتو بس و على فكرة نستقبل العيادي منكم حتى لو نصف ريال ما اتشرط قنوعه انا مو انا اختكم لازم تعطوني عيديه عاد انتم و مدت يدكم  يدكم و الا يدتكم << اهل الكويت يا حلو لهجتهم و الله امزح معكم  المهم كنت في ذا احساس غريب و سلامتكم |
|
|
|
|
05-27-2024, 06:47 PM
|
#3 | |
|
رد: احساس غريب
 ماعاد لي خاطر وﻻ عاد لي نفس وﻻ قمت أدوّر وصل من ﻻ يجيني من قرب بخطوه أقرّب له بخمس و من هـو تغيّر عمد ﻻ يحتريني و سلامتكم |
|
|
|
|
يوم أمس, 06:53 PM
|
#4 | |
|
رد: احساس غريب
السلام عليكم كيفكم و اخباركم من زمان عنكم تررم تتتا  ياهـ كم لبثنا ياقوم من زمان ما دخلت هنا و رميت مافي جعبتي من جواهر و درر حصلت عليها من رحلتي الى مغارت علي بابا و الاربعين حرامي اللي ماشفت منهم احد حي امامي هع خفي علينا يا غرندايزر المهم ماعلينا اليوم بقول لكم قصة عن قوة العقل الباطن و مدى تأثير التفكير و الشعور و الايمان العميق بـ الشيء كيف يأثر على العقل الباطن و كيف العقل الباطن يأثر على الجسم و يصير ذا التفكير و الشيء حقيقي القصة هذة ممكن احد فيكم سمعها من قبل لكن مو مشكلة زيادة الخير خير و خير يعني تو خير .gif "Ff1 (172)") المهم القصة هذة حصلت لواحد من خلق ربي بيوم من الايام كان جالس مع واحد من اصحابه او معارفه اللي هو وكان متضايق و مهموم و حالته حاله و هذا الشيء اللي لاحظه عليه صديقه فتكلم معاه و اسئلة يفلان صار لي فترة ملاحظ انك مو على بعضك مهموم و كله سرحان و تفكر و صحتك مو ذاك الزود قولي ايش فيك فضفض >>فضفض يا اخوي دنا ليك ستر و غطاء الله ايه دا يا لهوي هع .gif) << كملي و انتِ ساكته ان شاء الله المهم صاحبنا تكلم و قال يأ اخوي ايش اقولك تعبت من حالة امي و انا اشوفها تعبانة و من مستشفى الى مستشفى و مو لاقين لها علاج و حل و انا من حالتها و تعبها تعبت و الله و تعبت من كثر ما رحت للمستشفيات و مافي فائدة قاله صاحبه افاا وشفيها قولي قاله و الله يا اخوي من فترة بيوم من الايام كنت نايم و فجأءة ما وعيت الا على امي تصحيني فزيت و سئلتها ايش فيك قالت لي في حاجة داخله بأذني و ماني قادرة استحمل قوم وديني المستشفى رحنا المستشفى و سوو فحوصات و كل حاجة و قال الدكتور انو مافي شيء وكل شيء تمام تطمنت و ارتحت هنا وقلت لـ امي ها يمه سمعتي مافيك الا العافية لكن امي هاوشتني انا و الدكتور و ما اقتنعت بالكلام و قالت انو انا وهو مانفهم هي تحس بأنو في حاجة بأذنها قالت لي انو اوديها مستشفى ثانية و صار وحصل لنا نفس الشيء مافي شيء و هي مو مقتنعه و بعد ما رحت اكثر من مستشفى و نفس الاجابة رجعنا البيت لكن حالة امي ماهي طبيعيه ماغير تتألم و تشكي و تصرخ و تولول من اذنها و انو في شيء داخل بأذنها و صارت كل يوم اوبين يوم ويوم من مستشفى الى الثانية و ما اباقي مكان يعتب علي ما وديتها فيه لكن الكل يقول نفس الشيء و هي تهاوش و تصارخ و تتهمهم بعدم المعرفة و كل يوم لا ليلي ليل و لا نهاري نهار انا و امي على ذا الحاله و هذا الشيء اللي مضايقني قاله خويه بس هذا اللي مكدرك ماعليك الحل عندي انا بمر عليك ان شاء الله بكرة و بعالج امك قاله شتقول انت منت دكتور الدكاترة ما عرفو لها حل و علاج كيف انت بتعالجها قال ماعليك الحل عندي انت بس قولها بكرة بيجي الدكتور الفلاني و يعالجك و ضبط الامور و ماعليك انبسط الولد و استبشر خير بصاحبة و في اليوم الثاني فعلاً اتفقو و جاء صاحبه علشان يمثل دور الدكتور و كشف على اذن الام و قالها ياخاله انت تحسين في شيء بأذنك قالت ايه يا ولدي في حاجة بأذني و مزعجتني وذا الدكاترة مايفهمون ويقولون انو مافي شيء قالها لا ياخاله اذنك فيها شيء كلامك صحيح المهم طلع لها حاجة صغيرة بحركة خفيفه من وراء اذنها و علشان ما تنتبه و كأنو يطلعها من اذنها و قال لها هذا يا خالة اللي كان موجود بأذنك طلعته لك الحين قولي لي لساتك تتوجعين ناظرت الام في اللي طلع من اذنها و قالت لا و الله ياوليدي الان اموري طيبة و قالت لولدها هـ شفت انا قايلة لك ذولا مايفهمون في حاجة بأذني و احس فيها و بدت تشكر صاحب ولدها و صارت امورها في السليم و ماعاد تشكي من شيء و الولد انبسط و فرح من ذا الشيء و ارتاح و سئل صاحبه ايش سوييت كيف قدرت تعالج امي كذة و الدكاترة قالو انو مافيها شيء قال له فعلاَ امك مافيها شيء كل اللي فيها هي مجرد اوهام سيطرت عليها و قدرت تقتنع و تؤامن انو في حاجة بأذنها و خلتها تعيش بحالة من الالم و المرض العقل الباطن كان عامل مساعد لانها تحس بذا الشيء رغم انو مو حقيقي لانو صار يرسل اشارات للأذن انو في جسم ما فيك وبدت تحس بذا الشيء لكن مجرد ما اقنعتها و وريتها انو ذا الشيء طلع هنا اقتنعت انو الان خلاص مافي شيء اطمئنت و اقتنعت و بدأ العقل الباطن يقتنع و يحاول ذا الشيء الا راحة و استقرار و مافي مسبب خلاص هذا بس اللي كان عند امك و الا هي مافيها شيء الكلام عن العقل الباطن و تأثيره على الجسم يطول ويبقي لها شرح و كلام كثير لكن ابكتفي بذا القصة و اعذروني على الإطاله ان شاء الله تعجبكم القصة كنت في ذا احساس غريب و سلامتكم |
|
|
التعديل الأخير تم بواسطة احساس غريب ; يوم أمس الساعة 07:04 PM
|
 |
| الكلمات الدلالية (Tags) |
| احساس, غريب |
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
الساعة الآن 04:25 PM