قال الوداع

قال الوداع

هو يعتقد لو راح مقدر أنا اعيش
دايم يهددني بفك الجموعي

قال الوداع، وقلت يا صاح حتّيش
يا علّها فرقا بليّا رجوعي

لا تعتقد من سبة البعد با طيش
يا صاحبي حبي على كيف طوعي

يا سايلٍ عني أنا قاسيه ليش
بتموت ما تلقا مع الناس نوعي

كف الرسايل لا تدزّ المطاريش
سكّرت عن هرج الوسايط سموعي


*******
لا تقارن حب أمك بحبي

مقدار حبي عالمٍ فيه ربي
والا الموازين لغرامي ظلومه


لا.. لا تقارن حب أمك بحبي
أخاف من عينك تطيح الأمومه


أخشى يقولوا عنك ما هو متربّي
مابي أشارك في عقوق الرحومه


يا غايتي ما عاد فيني أغبّي
حبك تعدّى حدود نفسٍ كتومه


مابيك تسأل عن مقادير حبي
بكره مع الأيام تطلع علومه




وسمية هويدي العازمي

(عابرة سبيل )

قمر يافا ,عبير ,المعتفس معجبون بهذا

الموضوع الأصلي: قال الوداع || الكاتب: عآزفّ النّآي || المصدر: مجتمع غلاك

ما نتميز به

تصميم،شروحات،دروس،فنون،دورات،شعر،خواطر،افكار،غلاك،استايلات،مسابقات

---

rhg hg,]hu