مجتمع غلاك - يوميات رحيييل

مجتمع غلاك (https://www.g-lk.com/vb/index.php)

- مجتمع المدونين (https://www.g-lk.com/vb/forumdisplay.php?f=4)

- - يوميات رحيييل (https://www.g-lk.com/vb/showthread.php?t=32446)

يوميات رحيييل

بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله
بسم الله

😂😂😂😂😂😂

لا لا تخافون ما في جني ولا شيء بس بسم الله عليكم ومنورين 🏃‍♀💨

معكم محدثتكم رحيل يااااه يا غبار زمان والله عن المنتديات أوه صح صح الحين

كبرنا وصار أسمها مجتمعات 😎

آخر عهدي بها كان في 2010 ورجعت بـ 2012 لقيت منتداي العزيز قده تقفل 😭

زعلت زعل مو طبيعي يومها بس يلا هذا حال الدنيا 💔

المهم هالفترة جاني حنين قوي للمنتديات وأيامها وقلت بخاطري ياليت ألقى

مكان مزيون أثرثر فيه وأطلع كل الإبداع اللي داخلي والحمد لله طحت عليكم 😍

وترا الشكر موصول لأخوي الغالي اللي دلني على مجتمعكم الرهيب 🥰

فجيتكم بكل شغف وحماس وأبي أقرقر وأبربر عندكم هنا لين تقولون لي

خلاص يرحم أمتس لا يكثر 🤫

ومابي أقول هل من مرحب لأنها قديمة بس بقول بتستقبلوني وتتحملوني بينكم؟ 🥺👉👈

وقبل لا أختم الهذرة بعرفكم على بطاقتي الشخصية سريعا :633:

الاسم التسذبي : رحيل > يعنني صريحة وتسذا 🤫

الاسم الحقيقي : ملكوش دعوة فيه أحسن لكم ولصحتكم 😂

العمر : أهلي يقولون إني للحين سمول سايز وسعنونة 👶 ولازم نصدق الأهل 😄

الهوايات :أحاول أتعلم لغات وخصوصاً اليابانية صح صعبة بس ماراا أحبهم ❤

الأكل المفضل : الإيطالي وتحديداً البيتزا يمييي خفيفة وبتشهي كتييير 🍕🤤

أشياء أحبها : متابعة كورة القدم يعني أي مباراة لايف أندمج معها وأعيش الجو :426:

بس طبعاً حضرتي متعصبة هلالية 💙☝ وعالميا برشلونية 💙❤

وبس والله أكتفي بهذا القدر اليوم عشان ما أطول عليكم مع إني قصرت صراحتن 😂

يالله وروني ترحيبكم السنع 👏🔥

:374:

رد: يوميات رحيييل

ياهلا وغلا رحيييل وصحن حلا معليه اكلت نصه قبل ما يوصلك اسلوبك رهيب راح اكون متابعة لك دايما

هلا بتس أكثر يالغالية ❤ وميرسي على الحلا اللذيذ
وبالعافية عليتس كله تحت أمر سنونتس الحلوين 😋
وتشرفني متابعتس أكيد حياتس الله دايم رآنيا 🌹

هههههههه نورتي نورتي سمول سايز ، هلابج و يا حي من دلج ، يلا انطلقي و طلعي ابدعاتج نترقبها

نوركم هذا يالغالية ❤ ودووووم الضحكة وشكرا كثيير alwafa على الترحيب ❤🌹

شكرااااا للجميع 🌹

رد: يوميات رحيييل

https://i.top4top.io/s_38531n6gj1.jpeg

يوم آنسة ثرثرة ( ماشاء الله تبارك الله طبعا 😁 )

الفقرة الأولى معركة الكيكة 🍰⚔

الساعة أربعة من صباح الأمس كنت قاعدة بغرفتي وأز أختي تدخل علي

وجايبتن لي معها كيك وبدأت مغامرة هي ألا تأكلين وأنا اللي أرد وأنا مابي

وهي ألا تأكلين وأنا أقول لها مابي وهي ألا تأكلين وأنا مابي وهي تأكلين

وأنا أقول لها مابي وهي < خلااااص والله العظيم صدقوا وعرفو وفهمو أنتس ماتبين 😭

المهم نهاية المعركة أنتصرت أختي 🎉 وكليت الكيكة وعلي بالعافية 😋

الفقرة الثانية فرفرة صباحية📱🤓

دخلت مجتمع غلاك وقعدت أفرفر فيه شوي وثرثرت بعض الشيء إلى أن أقبلت الناعوسة 🥱

فنمت ولله الحمد على الساعة ثمان ونص صباحا 😴 ولما قمتا ماشفت الساعة حقيقة

يعني كلش ألا الصراحة لازم نكون دايما صادقين 😇 < ماعرفتس

الفقرة الثالثة روقان مع الأهل ☕

والروقان مايجي إلا بالقهوة يا حبيلها 😌

فقعدت مع أهلي الله يخليهم لي❤ وتقهوينا مع حلى اللوتس الذي يأسرك بلذاذته 😋

الفقرة الرابعة حماس الكرويين ⚽🔥

تابعت الساعة عشرة مباراة أسبانيا والأرجنتين وللأسف ما فازت الأرجنتين 💔

ومعليشي معليشي معليش أسبانيا بعد ما يشتكون من شي وفرحت لهم ولبرشلونة 🔴🔵

الفقرة الخامسة مسك ختام اليوم العشاء 🍽

عشاي المنتظر كان شيش طاووق 🍢 كان يميي 😋 بعدها تبلعت فيتاميناتي

عشان العظام والعضلات تجهيزاً لمرحلة الشيب 👵 أمزح طبعا 😂

وبث كذا خلص يومي اللطيف ✨💖

رد: يوميات رحيييل

https://fastupload.live/do.php?img=12555

ولازال في داخلي طفلة ترفض أن تكبر وتعترف بنضجها

وستظل محافظة على براءة الأطفال بقلب صادق ونية صافية 👧🤍

^^

هذا واقعي 😁

وأنا صغيرة كنت دائما أبي أكبر وإذا أحد قال لي أنتي صغيرة كنت أملأ الدنيا صياح 😂

مدري هالشي كان عند أطفال غيري ولا أنا بس 😅

المهم بذكر مقولة تقولها لي أمي الله يحفظها ❤ كل ماقلت الآن أنا صغيرة تقولي

سقى الله يوم أنتس صغيرة كنتي تبين تكبرين ويوم كبرتي تبين ترجعين صغيرة 👼🏻🤣

وبعدين تذكرني بيوم ودتني الله يسلمها مرا للدكتورة وأنا صغيرة كان عندي انفلونزا

فقالت الدكتورة بعطيتس مضاد شراب ذاك اللي يجي مثل البودرة

ويحطون عليه مويه مدري إذا تذكرونه 🥸

المهم وهي تقول شراب من هنا وأنا اللي أنقز لها وبكل مامعي لاااا أبي حبوب 😭

وهي تقولي يابنتي ماينفعشي أنتي لسى صغيرة وهنا كانت العاصفة 🌪😂

أنفجرت من الصياح وأنواع المناحه والووآآآع والوويع ليش تقولين لي صغيرة 🙈😂

الزبدة قعدت أصيح وأمي والدكتورة يحاولون يقنعوني بالشراب وأنا اللي مابي وأصيح

والناس وعليا واقفين برا ينتظرون دورهم وأنا موب حول أحد وإلا أبي حبوب 😛

وآخر شي تسحبني أمي مع أذوني 😭😂 وأنا باقي أبتسي ورحنا للبيت وخذيت الشراب

من فوق خشمي وبدون طق والله العظيم صدقوني 😂🏃‍♀

يا زين ذيك الأيام ياخي ويازين بساطتها والله أحن لها بشكل موب طبيعي

وأحيانا تنزل دموعي لا تذكرتها 😭❤

وبس والله هذا اللي عندي اليوم 🙂👀