مجتمع غلاك - هذا أنا

مجتمع غلاك (https://www.g-lk.com/vb/index.php)

- القسم الأدبي العام (https://www.g-lk.com/vb/forumdisplay.php?f=17)

- - هذا أنا (https://www.g-lk.com/vb/showthread.php?t=32445)

هذا أنا يوم أخلف الوقت ظني
الحزن حزني والسوايا سواياك

بكيت وأبكيت العيون وبكني
تعال شفني كل ما حان ذكراك

كم واحدٍ جاني بعدك وسألني
شخبار من حبيت وأقفى وخلاك؟

وأصد والحزن الخفي ممتحني
وأن قلت منهو قيل ماهوب يخفاك

قيل العوض قلت العوض ما شحني
والله لا هذا ولا ذا ولا ذاك

يا ما بعضهم مرني ما فتني
يا جعل ماهم بالعوض في محياك

الله لا يجبر عزا من عذلني
ما جاه ما جاني ولا جاه ما جاك

واللي عذل ويقول (لو و لو أني)
جعل يعشق له واحدٍ كنه إياك

ما فيه شيٍ في حياتي غبني
الا نهار أقفيت وأنا أسمع إبكاك

الله من جرحٍ قديمٍ مكني
أمداك نزفه لكن ادواه ما أمداك

عليّ كم جار الزمان وطعني
أسمع صدى صوت المعاليق تنخاك

وين أنت ياللي كل ما غبت كني
واقف على باب الأمل وأتحراك

ليتك تعرف تخون وأقول خني
على الأقل القى سبب وأتنساك

وليت الزمن فمحبتك ما خذلني
وليت الهجر من طيب خاطرك ورضاك

لو أن قربك والوصل بالتمني
ما غبت عن عيني كثر ما اتمناك
حمدان المري

رد: هذا أنا

وين أنت ياللي كل ما غبت كني
واقف على باب الأمل وأتحراك

ليتك تعرف تخون وأقول خني
على الأقل القى سبب وأتنساك

شعور صعب جدا عندما يكون الفراق بدون سبب
ولا نستطيع الا ان نقف على باب الأمل ننتظر
اختيار مميز جداً
راق لي
دمت بخير ي أنيق

رد: هذا أنا

صح لسانك ياجميل .

رد: هذا أنا

،.

أبيات جميله
صح لسان قائلها
وصحّ ذوقك معاند

إنتقاء جميل
:123:

رد: هذا أنا

صح ذوق ولسآن شــآعرهآ ابيآت جميله
دمت بخير،,

رد: هذا أنا

ازدانت صفحتي وتلألأت بمروركم الكريم
دام لي هذا المرور الراقي معطرا ومضيئا لصفحاتي