مجتمع غلاك - كل الخطاوي تعب كل الليالي جروح

كل الخطاوي تعب كل الليالي جروح

https://dmxth3fhxofea.cloudfront.net...cffbfa538e.png

أمشي وهمي جبل يمشي معي وين ما أروح
أزريت أشيل الجبل و أزريت لا أفارقه

كل الخطاوي تعب كل الليالي جروح
أرضي هجير و سمايه شمسها حارقه

ما غير روح التحدي في عروقي تفوح
قوة صمودي على جور الزمن خارقه

هذا و أنا عزتي دايم قبالي تلوح
لين أصبحت في حياتي ميزةً فارقه

أرفض شعور الندم و أرفض طمان السفوح
لو كان فيه الحياة اغصونها وارقه

ما دام فيني نفس يذري و فيني طموح
باب وراه اعتزازي...طارقه..طارقه

رغم امتداد التعب عيا يموت الطموح
و الشمس بكره ورغم أنف الدجى شارقه

و سلامتكم