مجتمع غلاك - نسيتني

https://www2.0zz0.com/thumbs/2025/10.../722338650.jpg
نسيتني..علمني شلون ابـ نساك
في هالزمان نسيان الاحباب عادي
وشلون لامرت على البال.. ذكراك
وطيفك سرق مني لذيذ الرقادي
وشلون لاقالوا لي الناس وش جاك
من كنت في لذة منامك تنــــــــــآدي
وشلون اعيش اللي بقالي.. بلياك
لامن غدينا كل واحد.. بوادي
لوقلت اداوي جرحي اللي تباطاك
ما كل جرحن يفيد فيه.. الضمادي
اعلنت حبك لين كلن.. تمنااااك
غلطه.. وغيري من خطاي.. استفادي
لو..لي مثل قلبك تمنيت.. فرقاك
واكييد.. قبلك بالجفا.. صرت بادي
حلوه عذاريبك.. وحلوه مزايااك
حتى بيوم افراقنا.. كنت هادي
كن الليالي.. ودها تكسب رضاك
وآنا يطول مع الليالي.. جهادي
في ذمتي.. ماهي غريبه خطاياك
مبطي وقلبك لو تنبهت.. غادي
سهله على من كان مثلك وشرواك
مثل الثيـــآب.. يغيــــــــرون المبـــــــــادي
علمني.. اكره ذكرياتك.. وطرياك
وانسى من الليله.. صدوق الودادي
ولاني بقايل عقبها.. وين أبـلقاك
راضي.. لو ان جروح قلبي.. جدادي
ولا القصايد.. جعلها من فداياك
لبسته.. مبطي.. ثيااب الـحدادي
باكر! على المخطي.. يدورون الافلاك
ونشوف.. من يصعب عليه البعاآدي

-
متعب التركي