أفراح مزعومة
 

آخر ما كتبت


اللي يبي الفَرْح لازم تِقْبِل افراحه
لو كانت النفس بالحسرات مزحومة


ما كل ضِحكة وراها نفس مرتاحة
نضحك وْآهاتنا في الجوف مكتومة


الكل في دنيته يبغى دوا جْراحه
وِدِّه بفرحة عمر ينسى بها غمومه


إلا اْنت يا قلب باقي عايش اتراحه
صافن معَ الذكريات وباقي علومه


إلى متى وَاْنت عايش بين اشباحه
تنظم قصايد بكائيّة على رْسُومه


ِاِنساه (وانسى) الهموم ، بشاطئ الراحة
واِن كان ما جاز لك ، اِطلع على (رومه)


(انسى)وعيش العُمُر في رحلة سياحة
يموت من هو قضى عمره مَعْ همومه


ما دام دنياك هذي ما بها راحة
اضحك لدنياك لو ضِحْكَتْك مزعومة


والوضع مهما تأزم يمكن اِصلاحه
ما به قضيَّة ولو فكرت محسومة


والليل لو طال يشرق بعده اِصْبَاحه
ويغور ليل الشِّقا ويغور جاثموه


شوف البلابل على الأغصان صداحة
تِطْرِب قلوب البشر بـَ انغام ملغومة


لو فَكَّرَتْ يوم فـَ الصياد وسلاحه
تموت من قبل لا تصطادها سهومه




سُهيل

رد: أفراح مزعومة
 

انسى)وعيش العُمُر في رحلة سياحة
يموت من هو قضى عمره مَعْ همومه


ما دام دنياك هذي ما بها راحة
اضحك لدنياك لو ضِحْكَتْك مزعومة

رائعه جداُ هالابيات سهيل
وبها رساله راقيه
رساله تفاؤل وعدم الاستسلام للحزن
ابدعت كالعاده سهيل
م ننحرم الابداع ي رب
دمت بخير:100:

رد: أفراح مزعومة
 

اتز سو نايس:285::590:

رد: أفراح مزعومة
 

،.

أبيات من أعماق التّجربه
يتجلّى فيها الصّبر والحكمه..

رائعه تلك النّصيحه
ورائعه الكلمات

شاعرنا سُهيل
مبدع كما أنت ومُتفرّد بروعة البوح

سلمت وسلم إحساسك
تقييمي + الختم + 500 نقطه
:208::208::208:

رد: أفراح مزعومة
 

صح لسانك ع الابيات الرائعه
الله ع الحروف وصياغتها وكل بيت
ومايحمله من معنى
مبدع بقلمك سهيل وابيات رائعه

ما دام دنياك هذي ما بها راحة
اضحك لدنياك لو ضِحْكَتْك مزعومة

والوضع مهما تأزم يمكن اِصلاحه
ما به قضيَّة ولو فكرت محسومة

هذي الابيات فيها تفائل جميل وراق لي
ودي لك +تقيمي :10:

رد: أفراح مزعومة
 

الله الله الله صح السان شاعرنا و مبدعنا اللي يطوع الحرف
و ينسج الكلمه بكل جمال و يخرج لنا لوحة فنيه و قصيده
جزله وافي و كافيه بكل معانيها ماشاء الله تبارك الرحمن
دوم مبدع في نظمك للقوافي و الابيات موزونه صح
و لها هدف جميل مو مجرد كلام عابر قلمك دوم وضاح
و ذو قيمه فكريه عميقة و عظيمه تسلم شاعرنا المميز
على كل حرف صغته لنا و قدمته دوم اسجل اعجابي
بقصايدك و مواضيعك على اني من مبطي ما تواجدت
فيها لكن مثل ما عهدناك نمبر 1 في الاقسام الادبية