أنتِ حصري
 

وقَّف الهاجس يدوِّر في ملفات الزمان
يبحث بماضي سنينه عن بداية رحلته

لف بي وقتي وأسرج لي من الذكرى حصان
جامحٍ ما عدت أدري وين حدد وجهته

صالت الذكرى وراحت بي على أجمل مكان
في زمن ماضي توارى ودعتنا بهجته

كل شيٍ ما تغير فيه لِشْهود العيان
ما فقد رغم السنين اللي مضت شخصيته

بس مشكلتي معه ما جيت ادور عن كيان
شكل ثابت بس في عيني توارت هيبته

كنت لا جيته ألاقي فيه ينبوع الحنان
أنتِ بس اللي وجودك مُعطيٍ له روعته

ما درى الهاجس بأنك كنتِ للبهجة ضمان
المكان بلا وجودك فاقد انسانيته

أنت كنت فيه أكبر دافع أعطاه الأمان
وأنت السر الكبير اللي يزيِّن جيته

سُهيل

رد: أنتِ حصري
 

،.
ما أعذبها
مشاعر الحنين والشّوق
رُسمت بجمال في حضور من نحبّ

حرفك سخي ومُبهر
أبدعت سُهيل

صحّ نبضك وسلمت
ودام وهجك الأنيق
تقييمي + الختم + 500 نقطه
:123:

رد: أنتِ حصري
 

جدا جميله

صح بوجك :399:

رد: أنتِ حصري
 

صح قلمك وسلم ماكتبته
ابيات جميله في الوصف الحلو
اللي يميز في الشخص مشاعره
فيه شوق فيه حنين لان عادت فيه الذكرى
وبرضو تميز عن الغير
وهو الابيات اللي كتبتها هنا

أنت كنت فيه أكبر دافع أعطاه الأمان
وأنت السر الكبير اللي يزيِّن جيته

مبدع شاعرنا سهيل
حروف جميله استمتعت بقرائتها

ودي لك + تقيمي :10:

رد: أنتِ حصري
 

كنت لا جيته ألاقي فيه ينبوع الحنان
أنتِ بس اللي وجودك مُعطيٍ له روعته

ما درى الهاجس بأنك كنتِ للبهجة ضمان
المكان بلا وجودك فاقد انسانيته

جميله وأكثر
وهذا م تعودناه منك سهيل
مروض الحروف وأمير الكلمه
دمت بخير وسعاده
ننتظر جديدك وابداعك

رد: أنتِ حصري
 

:192:ابدعت