مجتمع غلاك - ... نهر الجليد ...

مجتمع غلاك (https://g-lk.com/vb/index.php)

- الشعر الفصيح والنبطي (https://g-lk.com/vb/forumdisplay.php?f=60)

- - ... نهر الجليد ... (https://g-lk.com/vb/showthread.php?t=2888)

... نهر الجليد ...

المشكله . . إن كل . . حبك بتلميح
واغلب كلامك .. توريه .. أو اشاره

الحب احلى .. لو حكيته .. بتصريح
قول لي احب . . ابصريح . العباره

ابيك نار ن . . تحضن الروح ويسيح
نهر الجليد .. اللي غدى القلب داره

اهدر مثل بركان واعصف كما الريح
سور . . التردد . . فيك حطم جداره

ياخي برودك .. جرح القلب . تجريح
ياخي وش انته باقي ن في انتظاره

يعني تبيني اصير .. ضمن المجاريح
ولازم .. تذوقني . . الالم والمراره

واسهر اجر الصوت محزون واصيح
حتى .. تزف .. لمن يحبك .. بشاره

وش قوم قلبك . . بين صد ن وتلويح
تاره .. يجي مشتاق .. ويصد . تاره

تكفى . . ترفق بي . . كفاني تباريح
ارحم خفوق ن .. اصبح الهم .. جاره

قلب ن يحبك .. ما بقى شي . ويطيح
يرحم لي امك .. لا . تجيب .. انهياره

... بقلمي ...

أخوكم الشاعر .. نجم ضاوي ..

رد: ... نهر الجليد ...

بكيتك وقلت هاذي دموع التماسيح
قلي قلبك قطعته من أية......حجاره

على كل مافيني وتقول.. كفاك.تلميح
مابقى غير يولع القلب..... ....... ناره

من كثر مابينتك من...... ... تصاريح
وماباحت عيوني بما خلف.. الستاره

يمشقي الروح كفاك بعروقي تجريح
عزالله اغليك وبصريح....... العباره

الشاعر الانيق
نجم ضاوي
صح لسانك
تقبل مروري ومجاراتي المتواضعه

احترامي

رد: ... نهر الجليد ...

الحب احلى .. لو حكيته .. بتصريح
قول لي احب . . ابصريح . العباره

رااائعة
شاعرنا الرائع والمميز والمبدع جدًا نجم
لا فض فوك وتسلم يمينك
تقديري و 500 نقطة

~

رد: ... نهر الجليد ...

صح لسانك شاعرنا
ابيات رائعه من شاعر مايقدم الا الروائع
شكرا لك على جمال الابيات

رد: ... نهر الجليد ...

الحب احلى .. لو حكيته .. بتصريح
قول لي احب . . ابصريح . العباره

الله اخوي نجم ضاوي
قصيدة فخمة ورائعة جداً
صح بوحك .. راقت لي القصيدة كثيراً
مبدع جداً ..دائماً مختلف بقصائدك
بـ شغف لجديدك .. الله يسعدك

لسموك :رحيق: