نقطة ضعفك .. تحبها
 

السلام عليكم ورحمة الله وبركاته
مساء الخير
وش تقول عن نقطة ضعفك؟
هل هي سبب تعبك؟
هل فيها باب مفتوح للناس اللي يستغلون طيبتك، أو يسخّرونك لمصلحتهم؟
ولا .. يمكن أنت بنفسك تستخدمها كمهرب، عشان تريح بالك وتفلت من المسؤولية؟

وش نقطة الضعف اللي دايم تحس إنها تثقلك؟
عادة أو طبع نفسك تتخلص منه، لأنه ما عاد يناسبك، ولا يخدمك؟

كلنا فينا شي نتمنى نغيره، بس الاعتراف أول خطوة
وش طبعك اللي ودك تقول له: "كفى... ما عدت أحتاجك"؟

رد: نقطة ضعفك .. تحبها
 

نقطة ضعفي يمكن تكون رغبتي الدائمة بإرضاء الناس
أحيانًا أحط راحتي على جنب
وأعمل اشياء بس عشان ما أكسر خاطر أحد
أو عشان ما يزعل مني أحد
هل هي سبب تعبي؟
نعم وكثيرا لأنه هالشيء يحملني فوق طاقتي في الغالب
واحيان احس هالشي باب مفتوح للاستغلال
فبعض الناس لما يشوفك دايم متفهم ومرن وطيب معه
يبدأ يضغط عليك أكثر لين يصير تعبك عادة
وتضحيتك مفروضة بالنسبه له



اني استصعب كلمة لا ماقدر
واني اخدم من لايستحق ان اخدمه

نفس اللي ذكرته اعلاه
اني ماصنع المعروف في غير اهله

سعدت بالمشاركه معك اخوي طيب الاحساس
تقبل تحياتي

رد: نقطة ضعفك .. تحبها
 

كلامك صادق ويعكس معاناة كثير من الناس الطيبين، فعلاً الطيبة الزايدة وإرضاء الكل يتعب ويفتح باب للاستغلال. حلو إنك واعي لنقطة ضعفك، لأن أول خطوة للتغيير تبدأ من هنا. حافظ على طيبتك، بس لا تخسر نفسك عشان ترضي غيرك.
تحياتي 🌹

رد: نقطة ضعفك .. تحبها
 

اهلا بطيب الاحساس

مساء المرحبا
نقطة ضعفي العواصم لأنوا
هي قوة الاقتصاد
وبؤرة الفساد والفوضى

أنا اكره العواصم
لأنها هشة
لهيك يبنوا جسور
حتى يثبوتها وما تطير من اول عاصفة


اتمنى انوا ابني مدينتي الصغيرة
الي تكون في و سط الطبيعة
وادير أعمالي منها

شكرا خيوا

رد: نقطة ضعفك .. تحبها
 

مساء النور يا طيب القلب،
كلامك فيه صدق جميل.. العواصم فعلاً رغم قوتها، إلا إنها أحيانًا تكون مرهقة ومصطنعة.
وحُلمك بمدينة صغيرة وسط الطبيعة حلم نقي ويشبه روحك.
الله يحقق لك مدينتك الخاصة وتعيش فيها على راحتك .
تحياتي 🌹

رد: نقطة ضعفك .. تحبها
 

ماعندي نقطة ضعف :631:

-

نقطة ضعفي؟
أولًا اني موسوسة ترتيب ونظافة بشكل مزعج جدًا ما اقدر انام ولا ارتاح اذا ماشفت كل شي مرتب بشكل مثالي
وثانيا إنّي كنت أحمّل نفسي فوق طاقتها
أضغط على روحي باسم المثالية
وأحسب إن كل شيء لازم يكون بأفضل شكل ممكن أو ما يستحق يخرج للنور
هالطبع خلاني أتأخر وأراجع نفسي ألف مرة وأهدر طاقتي في القلق بدل الإنجاز

هل أتعبني؟
نعم كثير لان المثالية ما كانت دافع دايم أحيانًا كانت سجن

وهل استغلني الناس؟
مو كثير، انا اعطي وجه بمزاجي

ولو بسأل نفسي وش الطبع اللي أقول له كفى... ما عدت أحتاجك ؟
ولا شي بصراحة احب ما انا عليه اتعلم من تجاربي واطور من نفسي
اسعى اني اكون النسخة المطورة من نفسي دائماً واللي تتحرك، وتتعلم، وتخطئ، وتنهض، وتبني

يعطيك العافيه ع الطرح الجميل

~