مجتمع غلاك - زين الحياة

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

.

البَنُون وكثرة المال هي زين الحياه
والمكارم تمّمت عقب تنزيل الوحي

والمبادي والقيم للفتى سترة نجاة
والجمايل تنحفظ للوفا ما تنمحي

والفتى لامن صلاحه تبدد من رداه
مثل من عوّد حليقٍ وقبلٍ ملتحي

والرجل لاصار يعرف مداه ووش وراه
طاح قدره وانطحن طحن حبٍ فالرّحي

تجذب الطيّب عروقه ولا يلحق مداه
والوضيع بْسكة الذلّ ملحيٍ لحي

والستر نعمة وثوبٍ ويهشم من رماه
هشمة الغصن الخضر لانْسلب عنه اللّحي

قلّوا العقّال واهل المروّه والدّهاه
وجارفٍ كل المهابيل سيلٍ منتحي

ابلشونا تالي الوقت من كل اتجاه
عالمٍ لاهي تقدّر ولاهي تستحي

من رجا فاللاش فزعه وتقديرٍ وجاه
مثل من يرجي بجثمان ميّت عرق حي

.

للشاعر الرائع/ فيصل بن دخيل الله الكسر