طعنة يدك
 

أخيراً.. جِيْت؟!.. لكِنِّك عَلَيّه للأسَفْ طوَّلْت
وانا اللى كِنْت أحَسْب انّ النصيب أبْعَدْك واقفى بك

أخِيْرَاً جِيْت.. وش جابك؟! وش اللي باقيٍ ما نِلْت
جروحي قَرّبَت تبْرَا دخيلك قُوْل وِشْ جَابِكْ؟!

عيونك تكْشِفْ اللى وِدِّك تْقوله ولو ما قِلْت
تِبَى تدري عن اللى صار فِيْنِيْ فترة غْيَابك؟!

على طَعْنة يَدِكْ ـ أقْصِدْ ـ على حَطَّةْ يَدِكْ لا زِلْت
أنا آسِفْ غدى كِل الكلام آلام باسبابك

وبَاسبابك.. نسَيْت اللى بنَيْت من الأمَلْ واهْمَلْت
عناقيد القصيد اللي تمَنَّت طَعْم عنّابِك

وباسبابك.. تَرَكْت خْيول ذاك الحِلْم وِتْرَجَّلْت
وقَفّت كَنّها تبكي لفارسها.. وتِغْتابِكْ

وباسبابك ذِبَلْ غِصْن الغرام اللى مضى وِذْبِلْت
عِقُبْ تَلْوِيْحَةْ كْفوفك وانا واقِفْ على بابِك!

أخِيْرَاً جِيْت؟! أنا آسِفْ لأنِّك بالفِعِلْ طَوَّلْت
وِلاني بآخر أحْبَابك.. مَعْ انّي أوَّلْ أحْبَابك

أنَا تْنَازَلْت عن حِبِّكْ عِقُبْ ما عَنّي تْنَازَلْت
وقَلْبٍ كان يحيا بك.. حَشَى ما عاد يِرْضى بك!!

.

راقت لي
لـ سعيد بن ذيب

رد: طعنة يدك
 

وراق لنا ماراق لك اخوي علي
تسلم الذائقه يارب

رد: طعنة يدك
 

رد: طعنة يدك
 

الله يسلمك نايف
عزيز وغالي
نورت بمرورك الكريم

رد: طعنة يدك
 

تسلم بارك الله فيك
اسعدني مرورك
مودتي وتقديري

رد: طعنة يدك
 

نقل جميل
ربي يعطيك العافية اخوي

~