العمر محدود
 

العمر محدود والحال لا يمكن يدوم
لو يدوم الحال ،، ما شفت فالدنيا يتيم ..

نفسك اولابك عن الناس لو ودك تلوم
فالطريق المنعوج والطريق المستقيم

"عيش فالدنيا كـ أن العمر، مغير يوم"
وحاول بنفسك لنفسك، تخليها نديم

واجه ظروف الزمن، بالكفاح وبالعزوم ..
خلّك الصامد لو انك من الداخل هشيم

أحشم العالم وخلك مع العالم رحوم
كم تحليك الصفه لو تقلّدت الحشيم ..

" لا تفسر فالنوايا ولا تخاوي ظلوم "
النوايا عند ربي، ولا غيره عليم ..

وكان متضايّق ترا الناس اغلبها هموم
منت اول شخص فالناس مايقدر يهيم

دام فالدنيا كواكب، وضلعان، ورجوم
خلك العاقل وسامر ذعاذيع النسيم ..

عانق احضان السحايب وسولف للنجوم
وإرسم وجيه الاماني على الليل العتيم

أرتفع ما للوطى غير، نفسٍ ما تشوم ..
وأدمح الزلات مادمت طالع بالسليم

.

للشاعر/ بداح الشويب

رد: العمر محدود
 

اختياراتك دائمًا جميلة ومميزة
ربي يعطيك العافية اخوي

~

رد: العمر محدود
 

صح لسان الشاعر
يعطيك العافيييه علي ..:594:

رد: العمر محدود
 

سلمت يداك على هذا النقل الجميل

رد: العمر محدود
 

الأروع مروركم الكريم
بارك الله فيكم

رد: العمر محدود