مجتمع غلاك - التمني

الا يـاليت من قفـا يرد ي
ياليته كل ما انادي يردي

ياليته لو يجاملني بكلمه
ترد الروح للقلب المودي

ياليته كل ما غنيت يوحي
يغني لي على نغمات ودي

ياليت ايديه تمتد لعيوني
تكفكف دمعتن سالت بخدي

ياليته مابدا الهجران منه
اجازيه الوفا ويصير ضدي

ياليته ماسمع كلمات واشي
ياليته ما عزل حده وحدي

يا ليته حس بقسوة ونيني
عرف لاوين حرماني يودي

ياليته صار ليله مثل ليلي
ياليته عد مثلي يوم اعدي

ياليته عاش لحظه في عذابي
ثلاث سنين يبكي مايسدي

ياليت انه سمع دقات قلبي
تمسك بالامل عيا يهدي

ياليته كل ما يقرا قصيده
يحس شلون انا بيحت سدي

ياليته كل ما غمض جفونه
لقا مالقاه انا في ليل وجدي

ياليته يوم يوصل للحقيقه
يعرف انه خطا منه التحدي

ولكن ويش ينفعني التمني
مدام اللي نبي لاماه صدي

انا وشعاد اسوي في نصيبي
مدام الحظ قصر وش بيدّي

انا لا من قريت اللي كتبت
عرفت ان القدر لي متصدي

اردد كلمتي وسمع صداها
ترى اللي راح لا يمكن يردي
~~

...
طلال السعيد