كل الدروب
 

هذا الكلام جروح واوجاع واشواك
كني على طول السكوت مغصوبي

ازعلت ذولا لاجل يرضون ذولاك
لا مرضيٍ نفسي ولا هم رضوا بي

تعبت اقلّب في يديني هداياك
وتعبت اشارور توبتي في ذنوبي

لولا الزمن لولا الليالي ولولاك
ما صار طيبي دوب حبك ودوبي

هب الهوا يمّك وبانت خفاياك
ولا عاد لك قلبٍ يميل لهبوبي

اول عيوبك في عيوبي مزاياك
واليوم ميزاتي بعينك عيوبي

وكانك تشوح اليوم منّا ومنّاك
والله لارجّع كل الانظار صوبي

وان قلت انا بنساك ياسرع ما انساك
من قبل ينشف عطرك اللي بثوبي

الشمس باكر فيك ولا بليّاك
ما هيب لا موتي ولا هي غروبي

واذا انقطع دربٍ يجيني بذكراك
كل الدروب اللي تودّي دروبي

.

منقول
للشاعر/ سعد الحريص

رد: كل الدروب
 

رد: كل الدروب
 

يعطيك العافية على الانتقاء
وسلمت يداك كل الشكر والامتنان

رد: كل الدروب
 

كلمآت جميله و إنتقآء موفق ..
يعطيك العآفيه وسلمت الإيادي على هيك إختيار ..

-

رد: كل الدروب
 

أشكر الجميع على المرور ,, نورتوا المتصفح.

رد: كل الدروب
 

سلمت يداك ع النقل الجميل
ويعطيك العافية يارب
وشكرًا لك

~