عسى المنافق مايجي مجتمعنا
 

يالله يلي له سجدنا وصمنا
يارب تشفي من طلبناك تشفيه

الى اذن المذن مع الفجر قمنا
قومة صدوق يطلب الله ويرجيه

يارب في طاعتك سيّر قدمنا
على طريق الخير نأخذه ونعطيه

لاصار ميعاد المواجيب جبنا
للخير خير ونعطي الشر راعيه

وان رزت الاعلام يعرف علمنا
الطيب لاهله ماتغير مواريه

وان نام الفالس في المراجل مانمنا
والمال لاحلت زكاته نزكيه

مانيب مثل الي يفرش على الما
فرض يصلونه وفرض يخليه

هاذي طبايعنا وهاذي حكمنا
علماً نستمع له وعلماً مانبغيه

عسى المنافق مايجي مجتمعنا
ولا يخاوينا وحن مانخاويه

يارب تنصرنا على من ظلمنا
لا صار بياع البلا عند شاريه

يالله يلي له سجدنا وصمنا
يارب تشفي من طلبناك تشفيه

.

منقول
للشاعر/ سعيد بن فايز الشهراني

رد: عسى المنافق مايجي مجتمعنا
 

اشكرك على النقل الموفق ..
سلمت اياديك .،
شكري و تقديري لك ..
-

رد: عسى المنافق مايجي مجتمعنا
 

العفو بارك الله فيك

رد: عسى المنافق مايجي مجتمعنا
 

سلمت ويعطيك العافية يارب ع الطرح الجميل

~