مجتمع غلاك - القصايد ذوق

بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته

قصيدة مندوب الجن

،

هب الشمال وغرّد الطير بطروب
وحامت على روس الجبال النوايا

اثارني لحنٍ على القوس مسحوب
نادى المنادي للجروح الدمايا

ياعاذلي واللي على البال محسوب
يكفر بعلم الشعوذه بالمرايا

ان شفت لك زيتٍ على النار مسكوب
هذي ترانيم الخفوق الخفايا

ما لبّسوني جوخ لاعب وملعوب
اكسب وداد الفاتنات الصبايا

جيت اشبع عيوني محطات ودروب
لو عادت خيولي تعاب وحفايا

جيت انثر ابداعي مسرّات وطيوب
اروي شغف بيض القلوب الظمايا

جيت اعدل المعنى وهو كان مقلوب
بأيدين من يشحذ بخيلٍ عطايا

جيت اثبت ان الشعر للناس مرغوب
وان القصايد ذوق مـاهي حمـايـا

حضر معي من معشر الجن مندوب
اسلم وقـدّم لي قـصـيـد وهدايا

جرير وقّع لي بيمناه مغلوب
وسقراط يرسل لي سلام وتحايا

والشنفرى غادر عن الدار بهروب
ولقمان وصّاني ثمين الوصايا

اخاطب العقّال بأفكار واسلوب
ماني مكلّف بالعقول الخوايا

بعض البشر لو شفتها ما لها قلوب
الله يعلم وش تضم الحنايا

تابوت موسى وين ماراح مطلوب
سارت على طاريه فلك ومطايا

آدم من اصلابه على الكوكب اشعوب
ما جابهم قـوقـل بكل الزوايا

الرابط اللي بينهم جين مكتوب
علم الاجنّه وانشطار الخلايا

كما نشوف من البشر نقص وعيوب
مثله نشوف من الفضايل سجايا

.

للشاعر/ عبدالله المفضلي الشمري