مجتمع غلاك - وسيع البال

مجتمع غلاك (https://g-lk.com/vb/index.php)

- القسم الأدبي العام (https://g-lk.com/vb/forumdisplay.php?f=17)

- - وسيع البال (https://g-lk.com/vb/showthread.php?t=26472)

وسيع البال

ياوسيع البال ضيّقت الصدور
رحت ماعلّمتنى وين أنت ساري

فى غيابك مال خلق الله حضور
وفى حضورك مالهم بالبال طاري

ليه ماتختال يابدر البدور
والقصايد لك وصيفات وجواري

لك بنات الفكر ربات الخدور
يكشفن لثامهن والجرح عاري

جعل قلبٍ ماملاه الصدق نور
عند وجه الريح مايلقى مزاري

التغاضى عجز لاطال القصور
ليه أدارى وأنت عني منت داري

الزمااااان قصير والدنيا تدور
كل يوم يضيق فى عينى مداري

صاحبى محتاج لك شعر وشعور
وإحتياجى شى ماكان إختياري

من متى والغصن يختار الطيور
من متى والبال يختار الطواري

لاتسمى صمتى البارح غرور
انكسارى خلف هالصّمت متواري

فى غياب الشمس وش ذنب الزهور
والمطر لاشح وش ذنب الصحاري

اللقا لحظات والغيبه شهور
تقصر الخطوات ويطول إنتظاري

لو قريت المنكتب وسط السطور
ماكتبت لغلطة العمر إعتذاري

صمت هالمينا مثل صمت القبور
مارسى مركب ولا لاحت صواري

https://poetsgate.com/img/divider_1.png

متعب التركي

رد: وسيع البال

صح لسان الشاعر
انتقاء جميل اخوي
يعطيك الغافيه:816:

رد: وسيع البال

ذوق رآقي وآختيآر مميز
صح لسان قايلهآ ولآ هآن نآقلهآ
دمت بخير وسعادهـ

رد: وسيع البال

نقل جميل واختيار مميز
سلمت اناملك على الطرح

رد: وسيع البال

ابيات رائعة
سلمت على النقل المميز
ويعطيك العافية يارب

~

رد: وسيع البال

اقتباس:

المشاركة الأصلية كتبت بواسطة زهرآء (المشاركة 1053958)

صح لسان الشاعر
انتقاء جميل اخوي
يعطيك الغافيه:816:

يسعد صباحك

كل الشكر والامتنان لمرورك

ربي يسعد قلبك